Хамгийн анх 6-р ангид байхдаа сургуулийнхаа сагсан бөмбөгийн дугуйланд явж, бэлтгэл хийж эхэлсэн. Тэрнээс өмнө байрныхаа гадаа хөлбөмбөг, сагсан бөмбөг ах нар болон найзуудтайгаа тоглодог байсан. Надад Ууганбаяр гэдэг хуурай ах байдаг. Тэр ах маань намайг сагсанд их татсан гэж боддог. NBA гэдэг зүйлийг тэр ахаасаа мэдэж, гадаа харанхуй болсон байсан ч сагс тоглож, бэлтгэл хийх дуртай болсон. Хүүхэд байхдаа сагс тоглоход гоё байсан учраас тоглож, нааддаг байсан. Ялангуяа хүн амжилт гаргаад ирэхээр хичээллэж байгаа зүйлээсээ үр өгөөж мэдрэгдэж, улам бүр хичээллэх хүсэл төрж, тэр зүйлээ тогтмол хийх дадал зуршил болдог юм байна лээ.

Том тэмцээний өмнө өөрийгөө хурцлах гэхээсээ илүү өөрийгөө тайвшруулахыг илүүд үздэг. Том тэмцээн юм уу, чухал тоглолтын өмнө өөрийгөө тэгэх ёстой, ингэж ёстой гэж бодчихоор гаргах ёстой юмаа гаргаж чаддаггүй юм шиг санагддаг. Тийм болохоор өөрийгөө тайван байлгаад тоглолтын талаар ерөөсөө гүн, гүнзгий боддоггүй. Хэр удаан, ямар хэмжээний бэлтгэл хийсэндээ, тэр бэлтгэлийнхээ үр шим, бэлтгэлдээ даатгаад тоглолтдоо оролцдог. Хийх ёстой юмаа хийдэг. Чухал тоглолтын өмнө өөрийгөө тайвшруулахдаа сериал кино үзэж, сатаардаг. Дуу сонсох үедээ бол заавал тийм хурцалсан гэхээс илүү дууны үгэнд ач холбогдол өгдөг. Үгийг нь сонсоод, тухайн орчин г нь төсөөлөхөөр тоглолт бодогдохгүй, илүү тайван байдаг.

Эмэгтэй хүний оронд нэг өдөр орвол гэж өмнө бодож байсан юм байна. Өөрийнхөө байгаа ур чадвартайгаар эмэгтэй хүний биед орчихвол WNBA-д тогловол ямар байх бол гэж бодож байсан

Анх 2016 онд Тайваньд ирж сурснаасаа эхлээд Тайваний лигийг үзсэн. Сургуулиа төгсөөд, Тайванийн лигт тоглох гол зорилго байсан. Тайваньд сагсан бөмбөгөө тоглоод байхыг их хүсдэг байсан. Хоёр жилийн өмнөөс Тайваньд лигт тоглох боломж байгааг мэдэж эхэлсэн. Өнгөрсөн жил драфтын өмнө нэг багаас драфтад орох уу гэж асуусан. Тухайн үед аль хэзээний дасгалжуулагч, coach-тайгаа ярилцаад, их сургуулийнхаа багт тоглоно гээд ярьж тохиролцсон байсан. Анх багтайгаа хэрхэн холбогдсон тухайд бол 5-р сард оюутны лиг дуусахад хэд, хэдэн багаас санал ирсэн. Тайваньд сагсны хоёр лиг байдаг. Нөгөө лигээс нь ирж уулзаад манай лигт тогловол драфтгүйгээр ингэж, ингэж тоглох боломжууд байна гэж санал тавьж байсан. Чамтай гэрээ байгуулах багууд байгаа, тоглох үүд хаалга нээлттэй, бүгдэнтэй нь уулзаад үзээрэй гэж байсан. Тэгээд бүх санал тавьсан багуудтай уулзаад, одоо багаа “Тайчунг Санс” багтайгаа гэрээгээ хийсэн. Тухайн үедээ гэрээ хийсэн ч гэсэн албан ёсны гэрээг намайг 25 нас хүрэхэд хийх тохиролцоотой байсан. Учир нь Тайваньд 25 нас хүрч байж, free agent болдог. Би 10-р сарын 30-нд 25 нас хүрсэн. Улмаар албан ёсны гэрээгээ тухайн өдрөө Тайчунг Санс багтайгаараа байгуулсан. Багийн зүгээс талбай дээр минут, тоглолтын хязгааргүй тоглох эрхийг өгсөн. Ийм шат дараатайгаар гэрээ хийж, багтаа орсон.

Эмэгтэйчүүдийг ямар ч зүйлд арай илүү үнэнч болов уу гэж боддог. Ээж нар үр хүүхдээ ямар ч үед үнэнчээр хайрладагтай адилхан эмэгтэй хүнийг аливаа зүйлд үнэнч гэж боддог. Найз охиныхоо бүх юманд нь дуртай. Нэгийг хэл гэхийн бол намайг гэдэгт нь хайртай. Миний юу хийж, ямар байгааг үргэлж дэмжиж, ямар ч үед намайг гэдэг зан чанарт нь дуртай. Мэргэжлийн тамирчны замналаар амьдрахад ард байдаг гэр бүл, найз охин, найз нөхөд ойлгох нь маш чухал. Үүрэг гүйцэтгэдэг учраас гэр бүлийнхэн маань болон найз охин маань намайг сайн ойлгож, анхаарал “care” сайн тавьдаг учраас сайхан байдаг.

Тайванийн оюутны лигийн 3-р байр, хүрэл медалийг хүртсэн нь хамгийн том амжилт. Тайванийн 3х3 мэргэжлийн лигийн аварга баг болж байсан. Өнгөрсөн жил оюутны лигийн 2-р дивизоны аварга болсон. Эхний алхмаа хийж мэргэжлийн багт орж чадсан учраас цаашид багтаа тус хүргэж, багийнхаа амжилтыг ахиулах зорилготой.

Эргэн тойрныхоо дотнын хүмүүсээс нэг хүний бодлыг уншиж үзэх боломжтой байсан бол гэвэл хэрвээ би хэн нэгний бодлыг уншчихлаа гэхэд тэр хүний бодол хэтэрхий эерэг юм уу хэтэрхий сөрөг байвал өөртөө дарамт өгөөд эхлэх байх л даа. Мэдээгүй юм шиг дүр эсгэх хэцүү, мэдсэн гээд хэлэх хэцүү. Бусдын бодлоос болж өөртөө дарамт өгөхийг хүсдэггүй. Эсрэгээрээ хошин юм гэвэл эсрэг багийнхаа гол тоглогчийн бодлыг уншихыг хүсэж байна. Бодлыг нь мэдчихвэл хожиход илүү амар.

Мэргэжлийн тамирчдын хуваарь, чөлөөт цаг их бага байдаг. Чөлөөт цаг гарвал аль болох амарч, биеэ хурдан сэргээх тал дээр анхаардаг. Унтах ч юм уу, массаж хийлгэх, хоол идэх дуртай. Баярын үеэр гурав дөрөв хоног амрах боломж гардаг. Тийм чөлөөт цаг гарсан үедээ Тайваньд ийш тийшээ аялах дуртай.

Зөгнөлт кинонуудад дуртай. Би өөрөө их сониуч төрлийн хүн. Зөгнөлт кинонуудаас шинэ содон эсвэл дэлхий дээр байдаггүй зүйлүүдэд их татагддаг. Тийм ч болохоор үзэх дуртай байх. Хүүхэд байхдаа бол “Харри Поттер”, “Гэртээ Ганцаараа” үзэх дуртай байсан. Хэд ч үзсэн уйддаггүй. Хамгийн сүүлд таалагдсан, үзээд уйлсан тийм нэг кино байгаа. Антетокумбогийн тухай “Rise” гэдэг кино. Өөр түвшний өөр амьдралын хэв маяг ч гэсэн амжилт гарахын өмнө юу, юуг даван туулж, ямар үе дамжлагатай хэн, хэн ард нь бат зогсож явж даван туулж гардаг гэх тамирчны тухай гардаг. Тамирчин хүний хувьд адилхан мэдрэмжүүд зөндөө байсан болохоор их сэтгэл хөдөлсөн кино байсан.