NBA-ийн супер од Леброн Жэймсийн том хүү Бронни Жэймс саяхан зарласан лигт драфтлагдах боломжтой 150 тамирчдын тоонд багтаагүй нь олны анхаарлыг татаж байна. Бронни Жэймс нь USC Их сургуулийн нэгдүгээр курсийн оюутан бөгөөд коллежид элссэн эхний жилдээ шилдэг 30 тоглогчийн тоонд багтаж байсан юм. 

Түүн дээр яагаад олон хүмүүс анхаарал хандуулж байна вэ?

Лэброн Жэймс өмнө нь “Хүүтэйгээ хамт нэг багт тоглох нь миний мөрөөдөл, энэ зүйл ч биелэх боломжтой” гэсэн нь олон хүмүүсийн анхаарлыг татаж Бронни Жэймсийг драфтаар авсан баг Леброныг ч багтаа нэгтгэх боломжтой мэт сэтгэгдэл төрүүлсэн. Цаашлаад түүний коллежийн тоглолтууд хүртэл олон мянган үзэгчтэй болж USC ИХ сургуулийн ордон Леброныг давхар харахын суудлын үнэ нь өсч байгаа. 

Бронни Жэймс өнгөрсөн жилийн 7-р сард зүрхний хэмнэл нь доголдож эрчимт эмчилгээнд орсон. Харин энэ өвөл түүний бие хэвийн байдалдаа орж Их сургуулийнхаа багт эргэн нэгдсэн юм. Багтаа нэгдээд 19 тоглолтод оролцохдоо зургаад нь гараанд гарч тоглосон юм. Нэг тоглолтод 20.2 минут тоглохдоо 5.5 оноо, 2.8 самбар, 2.5 оновчтой дамжуулагч дунджилсан нь экспертүүдийн боломжит статистик үзүүлэлтэд хангалттай санагдахгүй нь ойлгомжтой. 

The Athletic сэтгүүлийн Шэймс Чараниа саяхан гаргасан мэдээлэлд Торонто Рэпторс баг Бронни Жеймсийг авах бодолтой байгаа ба USC-ийн үлдсэн тоглолтуудыг анхааралтай ажиглаж байгаа гэнэ. Харин Лос Анжелес Лэйкерс багт одоогоор ирэх улирлын драфтын эхний тойргийн сонголт байхгүй тул авах магадлал бага. Торонтогийн араас Леброны хуучин хоёр баг болох Майами Хит болон Кавальерс багууд авах магадлалаараа дээгүүр явна. Одоогоор тус хоёр багт эхний тойргийн эрхүүд бэлэн буй гэхдээ авна гэдэг нь баталгаатай биш. 

Харин Reddit.com дээрх хэлэлцүүлэг дээр USC-ийн бүх тоглолтыг үзсэн нэгэн үзэгч “Би түүний ихэнх тоглолтыг үзсэн. Тоглолт үзэх тусам NBA-ийн найдвартай тоглогч болно гэж бодоход улам бүр хэцүү болж байна. NBA гэх том лигт тэр зөвхөн тасалбар борлуулах арга биш байгаасай. Өөртөө итгэлтэйгээр улам бүр сайжирч драфтийн нэг хэсэг болоосой” гэж ээ. NBA-ийн тоглогч асан Мэтт Барнес "Тэр NBA-ийн чадвар тоглогч болох боломжтой. 8-10 жил лигт тоглоно гэж найдаж байна. Харин супер од болно гэдэг хэцүү. Бүгд л түүнийг дараагийн Леброн байгаасай гэж хүснэ. Гэхдээ хэзээ ч Леброн болохгүй. Багийн сайн үүргийн тоглогч, хамгаалалт хийж, шидэлт хийх чадвартай нэгэн болох байх” хэмээн Фокс спортод өгсөн ярилцлагадаа дурджээ.