И-Спортын СS2 төрлийн The Mongolz баг өнөөдөр Азийн “PGL Major Copenhagen” тэмцээнд “Lynn Vision” багийг (13-8 Ancient, 13-3 Nuke) 2:0 харьцаатай хожил байгуулав. Улмаар тэд энэ оны “Мэйжор” тэмцээнд оролцох эрхтэй болсон анхны баг болж байна. Энэхүү тэмцээн нь өмнөх CSGo төрөл CS2 болж шинэчлэгдсэн анхны Аварга шалгаруулах тэмцээн гэдгээрээ онцлогтой.
Ази, Номхон далайн бүсийн тэргүүн баг "The MongolZ" баг өөрсдийгөө дахин нэг батлан харуулж, тус тэмцээнд нэг ч ялагдал хүлээлгүй итгэл төгс тэргүүлсэн юм. "CS2"-ийн анхны Мэйжор тэмцээн ирэх гуравдугаар сарын 17-31-ний өдрүүдэд Данийн Копенхаген хотноо болно. Нийт 1.25 сая ам.долларын шагналын сантай тус Мэйжорт дэлхийн шилдэг 16 баг өрсөлдөх юм. 16 багийг хэсгийн тоглолтдоо нэг л удаа тоглох ба тэргүүлсэн 8 баг хасагдах журмаар тоглоно. Хасагдах шатны тоглолтод түрүүлж 2 хожсон баг нь цааш шалгаран өрсөлдөх юм. Харин хэсгийн тоглолтдоо хамгийн бага оноотой онууд шууд хасагдана. Тэмцээний тэргүүн байр 500.000 доллар, дэд байр 170.000 доллар, 3, 4-р байр 80.000 доллар, 5-8-р байр 45.000 доллар гэнэ.
