Челси клубийн менежер Маурисио Почеттино Челсигийн эздээс тэвчээртэй байж, ялалтын замдаа эргэн орж, Премьер лигт амжилтаа эргүүлэхэд шаардлагатай цаг гаргаж өгөхийг гуйв.

Аргентин дасгалжуулагч ням гаригт Лигийн цомын тэмцээнд Ливерпүүлд 1:0-ээр хожигдсоны дараа асар их дарамтад орсон бөгөөд Аваргуудын лигийн хошой аварга Челси премьер лигийн хүснэгтийн 11-т бичигдэж байгаа нь маш том бүтэлгүйтэл болж байна.

Өнөө шөнө Английн цомын тэмцээний 5-р тойргийн тоглолтод Челси 2-р лигийн Лидс Юнайтедтай тоглоно. Бүх тэмцээнд 12 хожигдоогүй дараалсан өрсөлдөгч Лидсийг хожих нь Почеттиногийн хувьд нэн тэргүүний шаардлага болоод байна. Лондонгийн клуб өнгөрсөн хугацаанд амжилт гаргахгүй менежерүүдийг дор нь сольдог бодлогоороо алдартай байсан ч шууд ажлаас нь халахыг яаравчлахгүй гэдэгт итгэлтэй байгаагаа Почеттино хэлсэн байна.

"Клубын ажилтнуудтай найман сарын турш бид маш сайн харилцаа холбоог бий болгосон. Тоглогчид бидний ажиллаж байгаа арга барилд үнэхээр итгэх юм бол амжилтаа эргүүлэхэд цаг хугацаа шаардагдана. Гол асуудал нь бидэнд тоглолтонд ялахын тулд цаг хугацаа, тэвчээр хэрэгтэй. Мөн цааш үргэлжлүүлэх боломжийг олгохын тулд эздэд тэвчээр хэрэгтэй. Би худлаа хэлэхийг хүсэхгүй байна. Үнэндээ, Уэмблигийн шатаар өгсөхдөө би маш их бухимдсан. Уйлах шахсан. Гэхдээ би клубийн эзэд болох Эгбали Бехдадыг, Бохли Тоддыг хараад гар барьсан. Би тэдний дэмжлэгийг мэдэрч байна." гэжээ.

Челси клуб Премьер лигт 10 хожил, 5 тэнцээ, 10 хожигдолтойгоор 20 багаас 11-т явж байгаа нь маш муу үзүүлэлт болж байна.