Сэлэнгэ аймгийн Хушаат суманд бага насаа өнгөрүүлж, 10 жилээ Улаанбаатарт ирж төгссөн. Манайд спортын талын хүн байдаггүй. Багадаа эмээ дээрээ өссөн болохоор юм юманд дөртэй, нийгмийн идэвхтэй хүүхэд байсан. Гэрийнхэн маань бүгд багш хүмүүс байдаг болохоор сургууль дээр л амьдардаг шахуу байсан даа хэхэ. Том болоод багш л болохгүй юм шүү гэж боддог байсан чинь одоо өөрөө багш болсон байна. Яагаад гэхээр эмээ маань өдөржин ажиллаад орой ирээд хүүхдүүдийн дэвтэр засаад, журналаа бичээд хэзээ унтдагийг нь мэддэггүй байлаа.
