Олон улсын сагсан бөмбөгийн холбооны 3х3 төрлийн “FIBA U23 Nations League” тэмцээний Азийн гурван зогсоол тэмцээнд манай улсын U23 насны шигшээ эрэгтэй шигшээ баг гурав дараалан аваргаар тодорлоо. БНХАУ-д зохиогдсон энэхүү тэмцээнд Г.Дөлгөөн, А.Азбаяр, Ч.Тэмүүлэн, С.Биндэрьяа, Л.Авирмэд зэрэг тамирчид ээлжлэн гараагаа өөрчилж оролцсон юм. БНХАУ, Япон, Филиппин, Туркменистан, Казакстан гэсэн таван орны баг тамирчидтай гурван өдөр дараалан өрсөлдлөө. 

Манай шигшээ эхний зогсоолд хүчирхэг БНХАУ-ын шигшээтэй аваргын төлөөх тоглолтод учраа таарч 20-19 харьцаатай ялалт байгуулан аварга авсан. Хоёр дахь зогсоолд Японы шигшээтэй финалд тулж 20-17 харьцаатай аварга авсан бол гурав дахь зогсоолд дахин Японы шигшээтэй тоглож 18-17 харьцаатай ялалт байгуулснаар гурав дараалан түрүүлж өөрсдийгөө батлан харууллаа.