Монголын эмэгтэйчүүдийн дээд лигийн аварга "Ховд Вестерн" клуб Азийн хамгийн том тэмцээн болох Аваргуудын лигт өнөөдөр Мьянмар улсын "Thuwunna" цэнгэлдэх хүрээлэнд Филиппиний дээд лигийн аварга Stallion Laguna F.C. клубийн эсрэг хэсгийн эхний тоглолтоо хийнэ. 

Манай багийн хувьд Азийн аваргуудын лигийн А хэсэгт багтсан бөгөөд Филиппиний эмэгтэйчүүдийн дээд лигийн аварга Stallion Laguna F.C, Мьянмарын эмэгтэйчүүдийн дээд лигийн аварга ISPE WFC, Гуамын эмэгтэйчүүдийн дээд лигийн аварга Bank of Guam Strykers FC клубүүдтэй нэг хэсэгт орсон байна. Хэсгийн бүх тоглолтууд Мьянмар улсад явагдана.