Монголын Ширээний Теннисийн холбооноос зохион байгуулдаг Ширээний теннисийн Дээд лигийн 17 дахь улирлын хоёрдугаар тойргийн тоглолтууд өнөөдөр эхэлж байна.

Лигийн эхний тойргийн байдлаар УБ Синема клуб 5 хожилтой, нэг ч хожигдол амсалгүй хүснэгтийг тэргүүлж байгаа бол Төмөрт Өргөө клуб 3 хожил, 2 хожигдолтой, Итгэлт Санхүү клуб 3 хожил, 2 хожигдолтой хоёр гуравдугаар байранд бичигдэж байна. Мөн Цайрт Минерал 2 хожил, 3 хожигдолтой, Бласт 2 хожил 3 хожигдолтой тус тус яваа бол хамгийн залуу бүрэлдэхүүнтэй Хаан банк клуб одоогийн байдлаар нэг ч хожил авч амжилгүй нэгдүгээр тойргийг өндөрлүүллээ.  

Өнөөдөр буюу 04-р сарын 04-ны өдөр тэмцээний хоёрдугаар тойрог эхэлсэн ба УБ Синема-Хаан Банк, Төмөрт Өргөө-Бласт зэрэг багууд учраа тааран өрсөлдөж байгаа бол Итгэлт Санхүү клубийн хоёрдугаар тойргийн эхний тоглолтыг өнжиж, тэдэнтэй өрсөлдөх Цайрт Клуб хожил авлаа.

Эхний тойргийн тамирчдын чансааг сонирхуулахад:

Бласт клубийн тамирчин Ө.Мөнх-Өлзий 18 оноотойгоор эрэгтэй тамирчдыг тэргүүлж байгаа бол ОУХМ Г.Болор-Эрдэнэ 20 оноотойгоор эмэгтэй тамирчдыг тэргүүлж байна. Та бүхэн нийт тамирчдын чансааг ЭНД-ээс харах боломжтой.

Тэмцээний шууд дамжуулалтыг Msports.mn хуудсаас болон Монголын Ширээний Теннисийн холбооны хуудсаар үзэх боломжтой. Мөн багуудын стандингс, тамирчдын чансаа, багийн чансаа, тоглолтын хуваарь, үр дүнг msports.mn-ий тэмцээн хэсгээс хараарай.