Хүүхэд байхаасаа их олон төрлийн спортоор хичээллэж ирсэн. Тэр дундаасаа сагсан бөмбөгийн спортод илүү их амжилт гаргах боломжтой байсан болохоор сонгосон. Сагсан бөмбөгтэй холбоотой хамгийн нандин үе гэвэл яг олимпын бэлтгэл хийж байсан үеийг хамгийн нандин үе гэж боддог оо.

Миний өндөр 178. Олимпын нээлтэд оролцох тэр үе бол ерөөсөө аймаар сандралтай, догдлолтой, баяр хөөртэй байсан. Аймаар урт хоолойгоор удаан хүлээж явсан хэр нь ээ тэр үе бол ерөөсөө тийм урт хоолойгоор явж байгаа юм шиг санагдаагүй. Яг нээлтийн ажиллагаа дуусаад орсон тэр хоолойгоороо буцаад гарахад бол маш их хол замыг туулсан байсан. Маш том дэвжээн дээр гарсан болохоор их туршлага хуримтлуулж туршлагатай болсон гэж боддог.

Эрэгтэй хүний биед нэг өдөр орох юм бол хамгийн түрүүнд охин найрах гэж үзнэ ээ.

Крашладаг хүн гадаадаас гэх юм бол Vampire Diaries цувралын Ian Joseph Somerhalder. Монголоос бол Ангууч.

Энэ өвлийн хувьд их сонирхолтой байгаа. Яагаад гэх юм бол өвлийн улиралд байнга бэлтгэл хийдэг байсан бол энэ удаад тэмцээн уралдаанд оролцоод өөр төрлөөр тоглоод их сонирхолтой байгаа.манай багийн хувьд. Амазонын үлдсэн тамирчид дээр нэмээд ШУТИС-ийн Шаркс багийн эгч нарыг нэгтгэсэн байгаа. Сагсан бөмбөгийн найзууд гэхээсээ илүүтэйгээр сагсан бөмбөгийн эгч нар дүү нар байгаа.

Эрэгтэй хүний биеэ авч явж байгаа байдал, цэвэр цэмцгэр байдал, хувцаслалт, халамжтай байдалд дуртай.

Цаашдын зорилго бол 2024 оны олимпод оролцох эрхийг Монгол Улсдаа авч өгөх.

“Marketing logistic management” болон инженер мэргэжилтэй.

Чөлөөт цагаараа аль болох амрахыг их хичээдэг. Хобби бол ер нь сагсан бөмбөгөөс бусад спортоор хичээллэх сонирхолтой. Волейбол, ширээний теннис, усанд сэлэлт. Зун хөдөө явах их дуртай. Аялах бас их дуртай. Адал явдалд дуртай.