Жүдогийн спортоор анх 2008 оноос хойш хичээллэж эхэлсэн. Аягүй хөдөлгөөнтэй хүүхэд байсан. Анх аавдаа би барилдъя бөхөөр хичээллэмээр байна гэж хэлэхэд намайг дагуулж яваад жүдо бөхийн секцэд бүртгүүлж өгч байсан. Жүдогийн секцэд ороод анх учраа мэдэхгүй жоохон хүүхэд байсан учраас зүгээр л тоглох гэж очдог байсан. Хичээллэх тусам илүү их сонирхолтой санагдаж, улмаар тэмцээн уралдаанд ордог болж анхны медалиудаа авч эхэлсэн.Тэрнээсээ урамшаад жүдо бөхөд их дуртай болсон. Одоо бол миний амьдралын салшгүй нэг хэсэг болсон.

“Super Power”-тай болох боломж гарвал бүхнийг урьдчилж мэддэг, цаг хугацааг урагшилж хойшлуулах хүчтэй болохыг хүсэж байна. Яагаад гэвэл хүн бүхэн юуг ч урьдчилж мэддэггүй болохоор.

Эмэгтэй хүний биед нэг өдөр орох боломж олдвол эмэгтэй хүний хийж болох бүхий л зүйлсийг хийж үзнэ.

Багаасаа Jackie Chan-ий кинонд дуртай байсан. Jackie Chan-ий тоглосон бүх кинонуудыг үздэг байсан. Адал явдалтай, хөгжилтэй санагддаг. Одоо ч үзсэн уйддаггүй, бага нас санаанд ордог.

Армийн дэлхийн аварга, Азийн наадмын мөнгөн медаль. Азийн аваргын хүрэл. Дэлхийн аваргын 5, 7-р байрын шагналтай. Цаашид орсон тэмцээн болгондоо медаль авч амжилтаа бататгах. Олимп, дэлхийгээс медаль авч дэлхийд нэрээ данслах зорилготой.

Эмэгтэй хүн бүрд өөрийн гэсэн сайн сайхан чанар байдаг. Үнэнч шударга, даруухан, хүлээцтэй чанарт нь дуртай. Эхнэртэйгээ анх 2014 онд танилцаж байсан. Одоог хүртэл сайхан амьдарч байна. Хүүгийн хамт. Манай эхнэрийн нэг юм хийе гэвэл дуустал нь хийдэг үнэнч зан, хүнд тусалдаг тусч зан чанараар нь бахархдаг.

Миний хувьд Жүдо бол хайр хүндлэл, ёс жудаг,хүмүүжил цогцолсон том гэр бүл юм. Хамтын хүч амжилт уриа дор жилийн дөрвөн улирал тасралтгүй хамт бэлтгэл сургуулилт хийж, тэмцээн уралдаанд оролцож зовлон жаргалаа хуваалцсаар ирсэн төрснөөс өөрцгүй хүмүүс дээ. Хүндэлж биширч явдаг үе, үеийн мундаг тамирчид, найз нөхөд гээд үлгэр дуурайлал авч бахархдаг олон сайхан жүдочид бий. Тэдний нэг нь Дамдинсүрэнгийн Нямхүү ах. Түүний уран мэх, цуцашгүй дайчин чанар, сэтгэл зүй зэргээс суралцах зүйл маш их.

Багш дасгалжуулагч мэргэжилтэй. Гэр бүлтэйгээ Монгол орон болон дэлхийгээр аялахыг хүсэж мөрөөддөг.

Хобби гэвэл сагс тоглох болон плэйстэйшн тоглох. Чөлөөт цагаараа гэр бүлийнхэнтэйгээ хамт сайхан амрах дуртай.