Япон улсын Чиба хотноо эхэлсэн IBJJF буюу Жюү Жицүгийн Ази тивийн аварга шалгаруулах нээлттэй тэмцээнд манай тамирчдын медалийн буухиа үргэлжилсээр байна.

Тодруулбал эхний медалийг насанд хүрэгчдийн ягаан бүсний -76кг жинд барилдсан Булган аймгийн харьяат, “JET sharing Mongolia" ХХК, JUMP Mongolia академийн тамирчин Чойжамцын Түвдэнтарваа гурав ялж, нэг ялагдан хүрэл медаль хүртлээ.

Түүний араас насанд хүрэгчийн ягаан бүсний -64кг жинд барилдсан Архангай аймгийн харьяат, JUMP Mongolia академийн тамирчин Б.Баяртулга дөрөв ялан Финалд шалгарсан ч харамсалтайгаар ялагдан мөнгөн медаль хүртсэн байна.

Эмэгтэйчүүдийн медалийн салхийг -58кг жинд барилдсан Сүхбаатар аймгийн харьяат, “JUMP Mongolia” академийн тамирчин Энхмөнхийн Шүрэнцэцэг хүрэл медаль хүртсэнээр хагалсан байна.