Ачаалал ихтэй үед заримдаа шантардаг. Шантрах үе хичээл сургуулийнхаа хажуугаар олон улсын тэмцээн дэлхийн аварга шалгаруулах тэмцээнд оролцоход маш их ачаалалтай үе байдаг. Тийм үед шантрах үе гарч ирдэг. Бусад тамирчдын хувьд яг спортоо дагнаад явчихсан өөрийн бүх цаг заваа тэр спортдоо гаргаад явдаг. Энхшүр, Мөнхшүрийн хувьд энэ спортоор хичээллэхийн хажуугаар суралцдаг учраас хоёуланг нь тэнцвэртэй авч явах тал дээр маш их ачаалалтай бэрхшээлтэй үе байдаг байна. Энэ үе нь шантрах үе юм болов уу гэж боддог. Насанд хүрэгчдийн ангилалд ороход өрсөлдөөн ихтэй мөн ихэр тамирчид маань оюутан болж байсан болохоор тэр бүр олон улсын тэмцээн уралдаанд оролцож, олон цаг бэлтгэл хийх боломж хомс болсон. Ийм нөхцөлд шантрах үе байсан. Гэхдээ энэ спортоор нэгэнт хичээллэсэн учраас өөрсдөө энэ спортод илүү дурлаж сонирхолтой байсан учраас тэр олон шантралд, тэр олон асуудлыг даван туулж энэхүү спортынхоо олон олон тэмцээний амжилтыг гаргасан гэж боддог.

Чөлөөт цагаараа найзуудтайгаа уулзах, дуртай кино үзэх, гэр бүлийнхэнтэйгээ цагийг өнгөрөөж салхинд гарах, уран гулгалтын спортыг шимтэн үздэг.

Амьдралдаа гаргасан хамгийн зөв шийдвэр оюуны спортоор хичээллэх болсон нь. Ой тогтоолтын спортоор хичээллэж үзье гэж шийдэж, энэ спортоор хичээллэж эхэлсэн үйлдэл бол хамгийн зөв шийдвэр байсан. Хоёрт орохыг хүссэн дэлхийн шилдэг их сургуульдаа орно гэж зорилго тавиад хичээгээд олон саад бэрхшээл байсан ч даваад тэнцээд орсон минь хамгийн зөв шийдвэр байсан.

Өндрөөс хамгийн их айдаг. Өндөр юман дээр гарахаар айдастай болдог. Онгоцонд суухаар түгшүүртэй байдаг. Цонхоор харж чаддаггүй. Өндрийн айдастай.

Ногоо ихтэй, шингэц сайтай хоолонд дуртай. Энхшүр, Мөнхшүр өөх тостой шарсан хуурсан хоолонд дургүй. Эрүүл хурдан шингэц сайтай ногоо ихтэй хоолонд дуртай. Хичээллэж байгаа спортын маань онцлогоос шалтгаалж хурдан шингэц сайтай хоол иддэг.

Цагаа барьдаг, хэлсэн үгэндээ хүрдэг, шулуухан, нэг зангаараа байдаг хүмүүст дуртай.

Гаргасан онцлох амжилт Энхшүр хоёртын тоолол цээжлэх төрөлд дэлхийн аварга болж геннисийн рекорд бүртгэгдсэн. Мөнхшүр 1 Цагт багц хөзөр цээжлэх төрөлд дэлхийн аварга болж геннис рекордод бүртгэгдэж хамгийн анхны эмэгтэй дэлхийн аварга болсон. Нийт улс болон олон улсын чанартай 15 тэмцээнд орж 13-т нь түрүүлсэн.

Үлгэр дуурайлал авдаг хүн гэр бүлээс бол ээж. Ээж нь хоёр ихрийн бүхий л зүйлийг тусалж дэмжиж өөр бусад зүйл дээр үлгэр дуурайлал үзүүлдэг. Спортоос 2018 оноос уран гулгалтын спортыг маш их үздэг болсон Yuzuru Hanyu-г шүтдэг маш их урам зориг авдаг.

Амьдралд чухал гэж үздэг зүйл 1-т эрүүл мэнд 2-т хүсэл эрмэлзэл, хүн өөр, өөрийнхөө эрүүл мэндийг хайрлаж хамгаалдаг байх хэрэгтэй. Хүсэл эрмэлзэлтэй байж хүн мөрөөдөлтэй тууштай байна. Тиймээс энэ хоёрыг хамгийн чухал гэж боддог.