Сагсан бөмбөгийн Европын аварга шалгаруулах “Евро баскет 2025” тэмцээн Кипр, Финланд, Латви, Польш гэсэн 4 өөр улсад 8-р сарын 27-с эхлээд 9-р сарын 14-нд 42 дахь аваргаа тодруулна. Тэмцээний хасагдах шатны тоглолтууд Латвийн Рига хотын Xiaomi Arena-д явагдах болно. Энэхүү тэмцээнд нийтдээ 24 улсын шигшээ багууд 4 хэсэгт хуваагдан орсон бөгөөд хэсгээс 4 баг шалгарч шөвгийн 16-д өрсөлдөх эрхээ авна. Европын аварга шалгаруулах тэмцээнд Зөвлөлт холбоот улс 14 удаа аварга авч байсан бөгөөд тэдний араас Югославын шигшээ баг 5 удаа аварга авч байжээ.

Энэ удаагийн тэмцээнд хойд Америкийн мэргэжлийн сагсан бөмбөгийн Nba-д тоглодог супер одууд оролцож байгаагаараа онцлогтой болж байна. Тухайлбал:

Nikola Jokic- Серби - Denver Nuggets

Сербийн шигшээ баг 8 дахь удаагаа Евро баскет тэмцээнд оролцох гэж байгаа бөгөөд хошой мөнгөн медальт баг юм.

Giannis Antetokounmpo- Грек- Milwaukee Bucks

Грекийн шигшээ баг 39 дэх удаагаа Евро баскет тэмцээнд оролцож байгаа бөгөөд хошой аварга авч байсан баг юм. Мөн 1 удаа дэд байр, 2 удаа хүрэл медаль хүртэж байсан.

Luka Doncic- Словени- Los Angeles Lakers

Словенийн шигшээ баг 16 дахь удаагаа Евро баскет тэмцээнд оролцож байгаа бөгөөд 2017 онд аварга авч байсан баг юм.

Alperen Sengun- Турк- Housten Rockets

Туркийн шигшээ баг 26 дахь удаагаа Евро баскет тэмцээнд оролцож байгаа бөгөөд 2001 онд дэд байрт шалгарч байсан.

Kristaps Porzingis- Латви- Atlanta Hawks

Латвийн шигшээ баг 15 дахь удаагаа Евро баскет тэмцээнд оролцож байгаа бөгөөд анхны Евро баскет тэмцээнд буюу 1935 онд аварга авч байсан. 1939 онд дэд байрт шалгарч байсан.

Lauri Markkanen- Финланд- Utah Jazz

Финландын шигшээ баг 18 дахь удаагаа Евро баскет тэмцээнд оролцож байна.

Nikola Vucevic- Монтенегро- Chicago Bulls

Монтенегрогийн шигшээ баг 5 дахь удаагаа Евро баскет тэмцээнд оролцож байна.

Jusuf Nurkic- Босни Герцеговина- Utah Jazz

Босни Герцеговинагийн шигшээ баг 11 дэх удаагаа Евро баскет тэмцээнд оролцож байна.

Franz Wagner- Герман- Orlando Magic

Германы шигшээ баг 26 дахь удаагаа Евро баскет тэмцээнд оролцож байгаа бөгөөд 1 алт, 1 мөнгө, 1 хүрэл медаль хүртэж байсан.

Jonas Valanciunas- Литва- Denver Nuggets

Литвын шигшээ баг 16 дахь удаагаа Евро баскет тэмцээнд оролцож байгаа бөгөөд 3 алт, 3 мөнгө, 1 хүрэл медаль хүртэж байсан.

Zaccharie Risacher- Франц- Atlanta Hawks

Францын шигшээ баг 40 дэх удаагаа Евро баскет тэмцээнд оролцож байгаа бөгөөд 1 алт, 3 мөнгө, 6 хүрэл медаль хүртэж байсан.

Сагсан бөмбөгийн Европын аварга шалгаруулах “Евро баскет 2025” тэмцээний хэсгийн тоглолтууд 8-р сарын 27-с эхэлнэ.