Монголын сагсан бөмбөгийн Үндэсний дээд лигийн 2024-2025 оны улирал 10-р сарын 12-нд албан ёсоор эхэлнэ. Энэ жил эмэгтэй 6, эрэгтэй 8 баг оролцохоор албан ёсоор багууд нэрээ бүртгүүлсэн байна. 10-р сарын 02-ны өдрөөс багуудын хэвлэлийн өдөрлөгөө хийж эхэлжээ. 2024-2025 оны улирал эхлэхээс өмнө багуудад ямар өөрчлөлт, шинэчлэлт хийсэн, багийн эзэд, удирдлагууд ямар шийдвэр гаргасан талаар тоймлон хүргэж байна. 

SG Apes 

• Байгуулагдсан цагаасаа IHC Apes нэртэйгээр Дээд лигт өрсөлдөж байсан тус баг энэ жил ивээн тэтгэгчээрээ Шунхлай Группийг нэгтгэсэн. Улмаар анх удаа нэрээ өөрчилсөн ба SG Apes нэртэйгээр шинэ улиралд өрсөлдөнө.

• Тус багийн легионер тоглогчид болох Гуамын шигшээ багийн Ийрнест Росс, АНУ-ын сагсчин Стефен Харт нар багийнхаа бэлтгэлд аль хэдийн хамрагдаад эхэлжээ.
• 
  
• Шинэ улиралд тэдний ахлах дасгалжуулагчаар өмнө нь Хасын Хүлэгүүд багийн туслах дасгалжуулагчаар ажиллаж байсан Р.Отгонжаргал ажиллана.
• 
  
• Тэдний боломжит гарааны тав

• Хов жив: Багийн эзэн О.Мөнхжин хэвлэлийн өдөрлөгийн дараагаар өөрийн цахим хуудаснаа бухимдлаа илэрхийлэв. Дээд лигийн зүгээс түүнийг өнгөрсөн жилийн асуудлаас үүдэн 3 жил багийн эзний хувьд тоглолт үзэх эрхээ хасуулсан. Түүнтэй холбоотойгоор доорх мэдэгдлийг гаргасан байна. 

Завхан Бродерс

• Гэмтлийн улмаас өнгөрсөн жил бүтэн өнжсөн Г.Цэнгүүнбаяр эргээд Завхан Бродерс багтаа нэгджээ. 

• Гурав дахь жилдээ Дээд лигт тоглох гэж Даймонд Стөүн дахин Бродерс багтаа нэгдсэн. Тэрбээр хараахан Монголд ирж амжаагүй байна.
• Тэд энэ жил NBA-д данстай Орландо Жонсонг авчирсан ба мөн адил багийнхаа бэлтгэлд хамрагдаад байна. 
• Боломжи гарааны тав

Бишрэлт Металл

• 
  
• Өнгөрсөн жилийн дэд аваргууд энэ жил хараахан легионер тоглогч нэгтгэж амжаагүй байна.
• Багийн бүрэлдэхүүнд О.Баянбаатар, С.Дугар-Эрдэнэ, Б.Бүргэдбат нар нэгдсэн.
• Бүрэлдэхүүн

• Хов жив: Бишрэлт Металл баг энэ зун Эрдэнэт Майнерс багаас холбогч Г.Болор-Эрдэнийг багтаа нэгтгэсэн. Гэвч Эрдэнэт Майнерс баг Г.Болор-Эрдэнэтэй хийсэн гэрээний хугацаа дуусгавар болоогүй гэсэн үндэслэлээр Бишрэлт Металл багт нэгдэхийг эсэргүүцсэн байна. Уг асуудлаар хоёр баг хоорондоо зөвшилцөлд хүрээгүй ба Бишрэлт Металл багаас доорх мэдэгдлийг гаргажээ.

Эрдэнэт Майнерс 

• Энэ зун олон улсын сагсан бөмбөгийн холбооноос гаргасан легионер тамирчны гэрээний дагуу Эрдэнэт Майнерс багийг Дээд лигт оролцуулах тал дээр асуудал үүссэн ч тэд МСБХ-той лигийн журмын дагуу хамтран ажиллах гэрээг байгуулан Үндэсний дээд лигт оролцох эрхээ баталгаажуулжээ. 

• Дээрх мэдэгдэлтэйгээр холбоотойгоор Бишрэлт Металл багт орсон Г.Болор-Эрдэнэ нь багтай гэрээ нь дуусгавар болоогүй хэмээн Металл багтай заргалдаж буй. 
• Мөн тус багийн хуучин гишүүд болох А.Тэмүүжин, Пендариус Уиллиамс зэрэг гарааны тоглогчид нь BCH Knights багт, Э.Мөнхбаяр нь SG Apes багт нэгдсэн. 

BCH Knights

• Өнгөрсөн жил Танан нэрээ BCH болгосон. BCH Гарьд баг энэ жил спонсортой холбоотойгоор нэрээ бүтэн шинэчилж BCH Knights болгож цоо шинэ өнгө төрхтэйгөөр орж ирэх гэж байна.

• Дээрх шинэчлэлтэй холбоотойгоор олон жилийн түүхд Гарьд багийн хөгжөөн дэмжигчид дургүйцлээ илэрхийлсэн талаар өмнө нь мэдээлсэн. 
• Гарьд баг хуучин цэргүүд болох А.Тэмүүжин, Г.Билгүүн нарыг дахин эгнээндээ нэгтгэжээ.
• 2023 оны Дээд лигийн аварга Пендариус Уиллиамсыг хамгийн түрүүнд тэд эгнээндээ нэгтгэж хүчирхэгжүүлжээ.
• Онцлох: Багийн ууган гишүүд болох О.Ууганбаяр болон Б.Мөнхболд нар энэ жил дахин багтайгаа хамт өрсөлдөхөөр болжээ. 
• Багийн холбогч А.Тэлмэний гэрээ дууссан ба тэрбээр цоо шинэ аялалаа Налайх Бизон багтай үргэлжлүүлхээр болжээ.
• Харин Налайх Бизон багаас холбогч Б.Жамсранг эгнээндээ нэгтгэсэн байна. 

Дархан Юнайтед

• Энэ жил тэд АНУ-ын тамирчин Терран Петевэй, Тэй Харди нарыг легионер тоглогчдоороо сонгожээ. Тэд аль хэдийн Монголд ирж бэлтгэлдээ хамрагдаад байна.

• Багийн дасгалжуулагчаар ОУХМ Ц.Азбаяр ажиллана.
• Багийн бүрэлдэхүүн

Сэлэнгэ Бодонс

• Тэд энэ жилийн легионер тоглогчоор АНУ-ын тамирчид болох Ахмад Гилберт, Юусуф Мохамед нарыг эгнээндээ нэгтгэсэн.
• Н.Батбаяр, Б.Энхсайхан, Э.Цэрэнбаатар, Б.Золбоо, Ц.Сэргэлэнбаатар, Б.Бишрэлт Б.Цолмонбаатар нарыг багтаа авсан.
• Багийн ахлах дасгалжуулагчаар өнгөрсөн жил Бишрэлт Металл багийн ахлах дасгалжуулагчаар ажиллаж байсан Серби мэргэжилтэн Predrag Stojancev ажиллана. 
• Багийн бүрэлдэхүүн:

Налайх Бизон

• Багийн бүрэлдэхүүн

 INUT YES TLG

• Өнгөрсөн жил TLG Ондилт нэрийн дор өрсөлдсөн тэд энэ жил нэрээ INUT YES TLG болон өөрчилжээ.
• Тэд энэ жил драфтын тэргүүн сонголтоор Тайванийн “CTBS” бизнес сургуулийн М.Чинхутагийг сонгосон.
• Ахлах дасгалжуулагчаар МУГТ С.Тулга дахин ажиллана.
• Бүрэлдэхүүн: