АНУ-ын Лас Вегас хотноо 2025.10.6-8-ны өдрүүдэд зохиогдож буй "Mr.Olympia Amateur-2025" тэмцээнд МБФХолбооны тамирчид амжилттай оролцож, нийт гурван алтан медаль хүртээд байна.

Тодруулбал тэмцээний бодибилдингийн 70 кг жинд 2017 оны “Дэлхийн аварга”, Монгол Улсын 10 удаагийн аварга, Арнолд классикын мөнгөн медальт, Должинсүрэнгийн Энх-Эрдэнэ эх орноо төлөөлөн оролцож Алтан медаль хүртсэн байна.

Мөн Mr.Olympia Amateur 2025 тэмцээний "Men’s physique novice" ангилалд МБФХолбооны тамирчин Батцэрэнгийн Тэлмэн амжилт дүүрэн оролцож, алтан медаль хүртсэн байна. Ийнхүү Б.Тэлмэн Men’s physique open C ангилалд топ5-д шалгарчээ.

Mr.Olympia Amateur 2025 тэмцээний Men’s physique open F ангилалд МБФХолбооны тамирчин Орхоны Тэмүүлэн эх орноо төлөөлөн оролцож, аваргын алтан медаль хүртсэн байна.