2023 оны Үндэсний дээд лигийн эхний гурван тойргийн тоглолтууд дуусаж, хагас шигшээд шалгарах багууд тодорлоо. Лигийн өнгөрсөн жилийн аварга Баянхонгор Корунд Гео баг хасагдах шатнаас мултарлаа. Тодруулбал өчигдөр болсон Өмнөговь Шанх Транс багтай хийсэн тоглолтод хожил байгуулсан бол 3 оноо багтаа нэмэрлэж 4-р байраар шалгарах байсан ч 3:0 харьцаатай ялагдал хүлээж энэ жилийн хагас шигшээ тоглолтод шалгарах боломжгүй болсон юм. 

Натур Мед сүүлийн тоглолтод Хасу Мегастарс багийг 3:1 харьцаатай хожсоноор 3-р тойрогт нийт 5 хожил байгуулан нэг ч ялагдал хүлээсэнгүй. Ийнхүү нийт гурван тойргийг 39 оноотой өндөрлүүлж, нэгдүгээр байраар шалгарч байна. Тэд хагас шигшээд 4-р байраар 19 оноотой шалгарсан Тэнүүн Огоо багийнхантай шигшээ тоглолтод шалгарахын төлөө өрсөлдөнө. 

Хоёрдугаар тойрогт лигийг тэргүүлж явсан Өмнөговь Шанх Транс гуравдугаар тойрогт байраа хадгалж чадсангүй. Гуравдугаар тойрогт Натур Мед Толун багт ялагдаж, 3 оноо ухарсан ба нийт 36 оноотойогоор хоёрдугаар байраар шалгараа. 

Сүүлийн гурван жил аваргын төлөө өрсөлдсөн Хасу Мегастарс сүүлийн тойрогт маш сайн амжилт үзүүлж 22 оноотойгоор гуравдугаар байраар шалгарлаа.Ийнхүү Өмнөговь Шанх Транс, Хасу Мегастарс гэсэн хоёр багийн хооронд шигшээ тоглолтод шалгарах сонирхолтой тоглолт биднийг хүлээж байна. Өнгөрсөн жил тус хоёр баг хагас шигшээд таарсан ба Хасу Мегастарс цувралд 2:1-ээр ялалт байгуулж аваргын төлөө шалгарч байсан билээ. Хагас шигшээ тоглолтод түрүүлж хоёр ялалт байгуулсан баг аваргын төлөө шалгарна. Хагас шигшээ тоглолтууд нэгдүгээр сарын 9-нд болох бүх оддын тоглолтын дараа эхэлнэ.