Олон улсын сагсан бөмбөгийн холбооноос Тив бүрийн орнуудын сагсан бөмбөгийн аварга клубүүдийн дунд BCL буюу Basketball Champions League-г зохион байгуулж эхлээд байна. Ковидын өмнө тус лиг нь "Asia Champions Cup" нэртэй байсан ба энэ жилээс нэрээ "Basketball Champions League Asia" болгон өөрчилсөн.

Тус тэмцээний нээлтийн тоглолтууд буюу 1-р тойргийн тоглолтууд 4-р сарын 3-7 өдрүүдэд манай улсад зохиогдоно. Манай улс өөрсдийн орондоо зохион байгуулж буй давуу эрхийн хүрээнд хоёр баг оролцохоор болсон. Энэ жилийн Үндэсний дээд лигт хоёр дахь жилдээ финалд шалгаран дахин дэд байр хүртсэн Бишрэлт Металл баг тэмцээний А группт багтсан. Бишрэлт Металл багийн хувьд бүрэлдэхүүндээ хэд хэдэн өөрчлөлт хийсэн байна. Тухайлбал Эрдэнэт Майнерс багийн холбогч Г.Болор-Эрдэнэ, Сэлэнгэ Бодонс багийн холбогч О.Тулга нарыг багтаа нэгтгэжээ.  

Харин гадаадын зах зээлээс Даниел Очефу хэмээх 2016 оны NCAA-ийн аварга, тухайн жилдээ Вашингтон Уизардс багт нэг улирлыг өнгөрөөсөн, 211 см өндөр төвийн тоглогчийг багтаа нэгтгэсэн байна. 

Харин өмнөх легионер тоглогчдоос Жэйлен Блэнд нутаг буцсан бол Жеантал Силла багтаа үлдэж, Кристофер Блэйк дахин хуучин багтаа нэгджээ. Харин багийн ахлагч Д. Дэлгэрням энэ удаагийн тэмцээнийг өнжиж байна. Бишрэлт Металл багийн бүрэлдэхүүнийг танилцуулбал:

А. Энхбаясгалан 

Б. Сүхбат

Кристофер Блэйк

Жеантал Силла

Д.Адьяасүрэн

Э.Тожилдорж

Э. Дөлгөөн

Г.Болор-Эрдэнэ

Г. Цэлмэг

Л.Цэдэвсүрэн

М.Идэрсайхан 

Н. Мөнхчөдөр

Даниел Очефу

О. Сайнбаяр

О.Тулга

Т. Ууганбаяр

З.Энхтөр нар багтжээ.  

Бишрэлт Металл багийн хуваагдсан А бүст:

1.      Hong Kong Eastern Basketball Team   /Хонг Конг/

"Hong Kong Eastern Basketball" багийн хувьд 2016 онд Хонконг улсын анхны мэргэжлийн сагсан бөмбөгийн баг болж байсан түүхтэй. Тус баг "ASEAN" сагсан бөмбөгийн лигийн цомыг хоёр ч удаа өргөсөн байна. "Hong Kong Eastern" баг энэ улиралд өмнөх аваргаа хамгаалагч "Tycoon" багийг цувралд 3-1 харьцаатай хожиж, "Hong Kong A1 Division" буюу дээд лигийн лигийн аваргын цомыг өргөсөн байна. Онцлох тоглогчид гэвэл багийн ахлагч Chan Siu Wing болон Канад төвийн тоглогч Chris McLaughlin, довтлогч одоо 28 настай Dom Gilbert нар. 

1.      NS Matrix Deers    /Малайз/

Малайз улсын NS Matrix Deers баг 2015 онд байгуулагдсан ч маш хурдан хугацаанд Малайз улсын шилдэг багуудын нэг болж чадсан гэнэ. Үндэсний шигшээ багийн шилдэг тоглогчдоо элсүүлж чадсан тус багийн хувьд хоёр жил дийлдэшгүй байж, Малайзын Дээд лигт дараалан аваргын цом өргөсөн байна. 

Багийн бүрэлдэхүүнд Малайзын шигшээ багийн од, Дээд Лигийн MVP тоглогч Ting Chun Hong бий. Мөн Малайзын лигийн аваргууд "Penang Sunrise" багаас залуу од Jordan Tolbert гэх тоглогчийг элсүүлжээ. Тэрээр өнгөрсөн улиралд 22.4 оноо, 14.7 самбар дунджилсан буюу Азийн Аваргуудын лигт “Matrix Deers” багт том хүч нэмж буй.

3. Prawira Harum Bandung /Индонези/

Индонези улсын Prawira Harum Bandung баг түүхэндээ анх удаа Индонезийн дээд лигийн аваргын цомыг өргөсөн байна. Тус багийн бүрэлдэхүүнд ердөө хоёр жилийн өмнө нь улирлын шилдэг шинэ тоглогчийн шагналыг хүртэж байсан, өдгөө шигшээ багийн тоглогч Yudha Saputera бий. Мөн легионер тоглогч, Доминиканы шигшээ багийн тамирчин Brandone Francis-ийг онцолж байна. Тус багийг сүүлийн гурван улирал дараалан Индонезийн Дээд Лигийн шилдэг дасгалжуулагч шагналыг хүртсэн David Singleton удирдаж байна. 

Бишрэлт Металл багийн тоглолтын хуваарь: 

Улаанбаатар хот, UG Arena 

04-р сарын 03-нд 20:00 цагаас Индонези улсын Prawira Harum Bandung багтай 

04-р сарын 04-нд 17:30 цагаас Малайз улсын NS Matrix Deers  Matrix багтай

04-р сарын 06-нд 17:30 цагаас  HK Eastern Basketball багтай тус тус тоглоно. 

Энэ жилийн 20 жилийн ойн дээрээ аварга авсан Хасын Хүлэгүүд баг “Ulaanbaatar Xac Broncos” нэртэйгээр тус тэмцээнд оролцож байна. Наймдах аваргаа хүртсэн Хасын Хүлэгүүд баг тэмцээний B группт хуваагдсан. Тэд ямар нэгэн өөрчлөлт шинэчлэл хийгээгүй буюу аварга авсан үндсэн бүрэлдэхүүнээрээ Азийн клубуудын аварга шалгаруулах тэмцээний урьдчилсан шатанд өрсөлдөхөөр нэрсээ өгчээ. 

Хасын Хүлэгүүд багийн бүрэлдэхүүнд: 

А. Азбаяр

А. Ананд 

Б. Барсболд 

Б. Билгүүн

Ч. Тэмүүлэн

Ч. Ихбаяр

Д. Мөнхтүвшин

Э. Түшиг

Э. Саруул-Эрдэнэ

Г. Насанжаргал

Г. Билгүүн

Жастин Мосс

М. Цэнгүүн 

Дивайн Майлс

О. Сэргэлэн

С. Биндэрьяа нар багтаж байна.  

Хасын Хүлэгүүд багийн хуваагдсан B группт: 

1.      Adroit Club   /Сингапур/

Сингапурын дээд лигийн Adroit багийн хувьд олон жилийн турш багийн цөмөө шигшээ багийн тулгуур болсон гол тоглогчид болон авьяаслаг залуу тоглогчдоор бүрдүүлж, Сингапурын лигт хүчирхэг байсаар ирсэн баг. Тус баг Сингапурын Дээд лигийн энэ улирлын финалд "Eng Tat Hornets" маш сонирхолтой тоглолтыг үзүүлсээр аваргын цом өргөжээ. Сингапур улсын Дээд лигийн улирлын болон финалын MVP тоглогч Leon Kwek, Adroit багийг манлайлж "BCL"-ийн урьдчилсан шатны тэмцээнд оролцоно гэнэ. 

1.      Hi-Tech Basketball Club   /Тайланд/

Тайландын Hi-Tech Basketball баг дотоодын лигүүдийн тэмцээн болон бүс нутгийн лигүүдийн тэмцээнд олон удаа түрүүлсэн түүхт том баг юм. Энэ улиралд Тайландын лигтээ гоц амжилт үзүүлж, аваргын цом өргөснөөр "BCL Asia" лигийн урьдчилсан шатанд өрсөлдөх эрхээ авчээ. 

Багийн бүрэлдэхүүнд аль хэдийн шигшээ багийн нүүр царай болсон Chanatip Jakrawan, Nattakarn Muangboon гэх тоглогчид бий. Гэхдээ тэд "BCL Asia" урьдчилсан шатны тэмцээний бүрэлдэхүүндээ хүч нэмэхээр Frederick Lish болон Moses Morgan гэх шилдэг тоглогчдыг нэмжээ.  

3. Pelita Jaya Basketball /Индонези/

Тус багийн хувьд энэ улиралд Индонезийн Дээд Лигийн финалд харамсалтайгаар хожигдсон. Гэхдээ Индонези улс манайхтай ижил зохион байгуулагч давуу эрхээ ашиглан хоёр баг оролцуулж байна. Гэхдээ тэдний бүрэлдэхүүн маш зузаан гэнэ. NBA-д өмнө нь тоглож байсан тоглогчид болох Thomas Robinson, KJ McDaniels нар байгаагаас гадна шигшээ багийн гол тоглогчид ч багтдаг гэнэ. "BCL" лигийн урьдчилсан шатны тэмцээний бүрэлдэхүүндээ Филиппиний шигшээ багийн од Justin Brownlee болон NBA-д тоглож байсан туршлагатай тоглогч Jaquori McLaughlin нарыг элсүүлжээ. 

Хасын Хүлэгүүд багийн тоглолтын хуваарь: 

Улаанбаатар хот, UG Arena 

04-р сарын 03-нд 17:30 цагаас Индонези улсын Сингапурын Adroit багтай

04-р сарын 04-нд 20:00 цагаас Индонезийн Pelita Jaya Basketball багтай

04-р сарын 06-нд 20:00 цагаас  Тайландын Hi-Tech Basketball багтай тус тус тоглох хуваарьтай байна.