Намайг 8-р ангид байхад аав маань надад төрсөн өдрөөр сагсны бөмбөг бэлэглэж байсан. Тэр үеэс эхлэн гадаа шийдэн дээр сагс тоглох болсон. 10, 11-р ангиасаа эхлэн сагсан бөмбөгөөр тууштай хичээллэе гэж шийдсэн. Тэрнээс өмнө гадаа шийдэн дээр л тоглодог байлаа. Сагстай холбоотой хамгийн нандин үе аав надад бөмбөг бэлэглэсэн тэр үеийг хэлнэ. Тэр үйл явдлаас болоод сагс тоглох хүсэлтэй болсон учраас төрсөн өдрөөрөө ааваасаа авсан сагсны бөмбөг их чухал байсан.

Миний өндөр 184 см. Дээд лигийн хувьд маш өрсөлдөөнтэй байгаа. ОТИС Шилүүснүүд багтайгаа өнгөрсөн 11-р сард холбогдсон. Бүх оддын тоглолтын MVP болоход өөрийгөө ерөөсөө болно гэж бодоогүй, MVP болъё ч гэж бодож тоглоогүй. Энгийн, байдгаараа л тоглосон. Дотнын хүмүүс маань маш их баяртайгаар хүлээж авсан. Энэ шагналыг үнэхээр авах хэрэгтэй хүн мөн л гэж хэлсэн.

Эрэгтэй хүний биед орж үзвэл сагс тоглоод цагариган дээрээс довтлох үзүүлбэр үзүүлмээр байна.

Сагсны дотнын найзууд гэвэл Худалдаа үйлдвэрлэлийн сургуулийн найзууд байгаа. Талбайн гадна найзуудтайгаа салхинд гарах, хамтдаа хөзөр тоглох, хөгжилтэй тоглоомууд тоглож цагийг өнгөрүүлэх дуртай.

Би нөхөртэй. Манай нөхөр аймгийн хурц арслан. Эрэгтэй хүний тайван, дөлгөөн занд дуртай.

Сагсан бөмбөгийн 3х3 төрлөөр Азийн клубүүдийн аварга шалгаруулах тэмцээнээс мөнгөн медаль, Азийн аваргын шилдэг 4-т шалгарсан. 5х5 төрлөөр 2015, 2016 оны эмэгтэй лигийн улирлын үнэ цэнтэй тоглогч. 2023 оны Бүх оддын тоглолтын MVP.

Маркетингийн менежер мэргэжлээр сурч байсан. Одоо бизнессийн удирдлага чиглэлээр суралцаж байгаа. Сагсан бөмбөгөөс гадна хувиараа бизнесс эрхэлдэг.

Чөлөөт цагаараа хөгжим сонсох, усанд сэлэх дуртай. Мөн ном унших дуртай.