Эрэгтэйчүүдийн волейболын 21 дэх удаагийн ДАШТ-ий хэсгийн сүүлийн тойргийн тоглолтууд Филиппин улсын Pasay болон Quezon хотуудад явагдаж байна.

ДАШТ-ий B хэсгийн гуравдугаар тойргийн эхний тоглолт Катарын шигшээ баг болон Румыны шигшээ багуудын хооронд дөрвөн ээлжийн тоглолт явагдаж, Катарын шигшээ баг 3-1 харьцаатай хожил байгуулан хэсгийн сүүлийн тоглолтдоо эхний хожлоо байгуулж чадсан ч 1 хожил, 2 хожигдолтойгоор тэмцээнээ өндөрлүүлж байна. Мөн Румыны шигшээ баг хэсэгтээ гурав тоглож, бүх тоглолтод хожигдсоноор тэмцээнээ мөн л өндөрлүүлж байна. Тус тоглолтод Катарын шигшээ багаас №1 Y. Oughlaf багаа тэргүүлж 15 оноо авсан бөгөөд бүх оноогоо довтолгоогоор авсан байна.

ДАШТ-ий B хэсгийн гуравдугаар тойргийн хоёр дахь тоглолт дэлхийн чансааны №1 Польшийн шигшээ баг болон Нидерландын шигшээ багуудын хооронд дөрвөн ээлжийн тоглолт явагдаж, Польшийн шигшээ баг 3-1 харьцаатай хожил байгуулан хэсгээс нэгдүгээр байраар шалгарч, Нидерландын шигшээ баг хоёрдугаар байраар шөвгийн 16-д шалгарч байна. Тус тоглолтод Польшийн шигшээ багаас багийн ахлагч №6 Kurek 19 оноо авч багаа тэргүүлсэн бөгөөд довтолгоогоор 16 оноо, хаалтаар 2 оноо, давуулалтаар 1 оноо авсан байна. Польшийн шигшээ баг шөвгийн 16-д Канадын шигшээ багтай таарсан бол Нидерландын шигшээ баг шөвгийн 16-д Туркийн шигшээ багтай таарсан байна.

ДАШТ-ий D хэсгийн гуравдугаар тойргийн эхний тоглолт Португалийн шигшээ баг болон Колумбийн шигшээ багуудын хооронд таван сетийн гал гарсан тоглолт болж, Португалийн шигшээ баг 3-2 харьцаатай хожил байгуулан хэсгээс хоёрдугаар байраар шалгарсан бол Колумбийн шигшээ баг тэмцээнээ өндөрлүүлж байна. Тус тоглолтод Португалийн шигшээ багаас №9 Marques 19 оноо авч бүх тоглогчдыг тэргүүлсэн бөгөөд довтолгоогоор 13 оноо, хаалтаар 4 оноо, давуулалтаар 2 оноо авсан байна. Португалийн шигшээ баг шөвгийн 16-д Болгарын шигшээ багтай таарсан байна.

ДАШТ-ий D хэсгийн гуравдугаар тойргийн хоёр дахь тоглолт АНУ-ын шигшээ баг болон Кубын шигшээ багуудын хооронд дөрвөн ээлжийн тоглолт болж, АНУ-ын шигшээ баг 3-1 харьцаатай хожил байгуулан хэсгээс нэгдүгээр байраар шалгарсан бол Кубын шигшээ баг тэмцээнээ өндөрлүүлж байна. Тус тоглолтод АНУ-ын шигшээ багаас №18 Robinson 14 оноо авч багаа тэргүүлсэн бөгөөд довтолгоогоор 13 оноо, хаалтаар 1 оноо авсан байна. АНУ-ын шигшээ баг шөвгийн 16-д Словенийн шигшээ багтай таарсан байна.

ДАШТ-ий Е хэсгийн гуравдугаар тойргийн эхний тоглолт Болгарын шигшээ баг болон Чилийн шигшээ багуудын хооронд гурван ээлжийн тоглолт болж, Болгарын шигшээ баг 3-0 харьцаатай хожил байгуулан хэсгээс нэгдүгээр байраар шалгарсан бол Чилийн шигшээ баг тэмцээнээ өндөрлүүлж байна. Тус тоглолтод Болгарын шигшээ багаас №23 Nikolov 17 оноо авч багаа тэргүүлсэн бөгөөд довтолгоогоор 15 оноо, давуулалтаар 2 оноо авсан байна. Болгарын шигшээ баг шөвгийн 16-д Португалийн шигшээ багтай таарсан байна.

ДАШТ-ий Е хэсгийн гуравдугаар тойргийн хоёр дахь тоглолт Словенийн шигшээ баг болон Германы шигшээ багуудын хооронд дөрвөн ээлжийн тоглолт болж, Словенийн шигшээ баг 3-1 харьцаатай хожил байгуулан хэсгээс хоёрдугаар байраар шалгарсан бол Германы шигшээ баг тэмцээнээ өндөрлүүлж байна. Тус тоглолтод Словенийн шигшээ багаас №1 T. Štern 18 оноо авч багаа тэргүүлсэн бөгөөд довтолгоогоор 15 оноо, хаалтаар 3 оноо авсан байна. Словенийн шигшээ баг шөвгийн 16-д АНУ-ын шигшээ багтай тоглоно.

ДАШТ-ий G хэсгийн гуравдугаар тойргийн эхний тоглолт Канадын шигшээ баг болон Туркийн шигшээ багуудын хооронд гурван ээлжийн тоглолт болж, Туркийн шигшээ баг 3-0 харьцаатай хожил байгуулж, хэсгээ тэргүүлсэн бол Канадын шигшээ баг хэсгээс хоёрдугаар байраар шалгарч байна. Тус тоглолтод Туркийн шигшээ багаас №12 A. Lagumdzija 15 оноо авч багаа тэргүүлсэн бөгөөд бүх оноогоо довтолгоогоор авсан байна. Туркийн шигшээ баг шөвгийн 16-д Нидерландын шигшээ багтай тоглох бол Канадын шигшээ баг Польшийн шигшээ багтай тоглоно.

ДАШТ-ий G хэсгийн гуравдугаар тойргийн хоёр дахь тоглолт Японы шигшээ баг болон Ливийн шигшээ багуудын хооронд гурван ээлжийн тоглолт болж, Японы шигшээ баг 3-0 харьцаатай нэр төрийн хожлоо авч чадлаа. Тус тоглолтод Японы шигшээ багаас №4 Miyaura 15 оноо авч багаа тэргүүлсэн бөгөөд довтолгоогоор 11 оноо, хаалтаар 1 оноо, давуулалтаар 3 оноо авсан байна.