Парис-2024 олимпын 400,000 тасалбар энэ сарын сүүлээр худалдаанд гарна гэж зохион байгуулагчид лхагва гарагт мэдэгдэв. Парис 2024 олимпын наадам 7-р сарын 26-аас 8-р сарын 8-ны хооронд болох бөгөөд зохион байгуулагчид 10 сая тасалбар зарна гэж найдаж байна. Одоогоор аль хэдийн 7.2 сая тасалбар зарагдсан гэж үйл ажиллагааны захирал Майкл Алоисио хэлсэн юм.  "Өөр ямар ч зохион байгуулах хороо ийм олон тасалбарыг ийм хурдан зарсан гэж би бодохгүй байна" гэж тэрбээр сэтгүүлчдэд хэлжээ. Парисын олимпын зарим тасалбар үнийн шүүмжлэлд өртөж байсан ч лхагва гарагт шинээр гаргасан тасалбарын гуравны нэг нь серфингээс бусад бүх төрөлд "50 еврогийн үнэтэй" байх болно гэж мэдэгдэж байна. Арваннэгдүгээр сарын 30-нд худалдаалагдах тасалбарын 30,000 нь хөнгөн атлетик, 24,000 нь теннисний тасалбар байх аж. Харин олимпын нээлтийн ёслолын тасалбар буюу Сена мөрний парадын тасалбар 90-2700 еврогийн үнэтэй байх юм. Зохион байгуулагчид мөн Паралимпын 2.8 сая тасалбарыг борлуулахаар төлөвлөж байгаа бөгөөд жилийн эцсээр явцын талаар дэлгэрэнгүй мэдээлэл хийнэ гэдгээ мэдэгдлээ.