“Манчестер Юнайтед” “Аякс”-ын Бразил жигүүрийн тоглогч Антони Матеус дос Сантосыг авахын тулд 85 сая фунт стерлинг буюу 99 сая евро төлөх тохиролцоонд хүрчээ. Премьер лигийн аваргууд 22 настай тоглогчийн төлөө Юнайтед 80.75 сая фунт стерлинг болон нэмэлт төлбөрт 4.25 сая фунт стерлинг төлөх болно. Энэ нь Манчестер Юнайтэд клубын түүхэнд дэх хамгийн өндөр дүнтэй наймаануудын нэг болж байна. Тодруулбал, тэрбээр хамгаалагч Харри Магуайрын хамт Манчестер Юнайтедын хоёр дахь хамгийн үнэтэй наймаа болж байгаа юм. Пол Погбагийн төлөө төлсөн 89 сая фунт стерлинг нь багийн дээд амжилт хэвээр байна.

 
Антони нь 2020 онд Бразилын Сан Пауло клубээс Аякс клубт ирж одоогийн Манчестер Юнайтэд клубын дасгалжуулагч Эрик Тэн Хагийн удирдлага дор тоглож байсан. Эрик Тэн Хаг Манчестер Юнайтэдийн дасгалжуулагчийн ажлыг авсанаас хойш Антониг авахаар ажиллаж байсан бөгөөд 22 настай Бразил довтлогч Антонигийн түүний удирдлага дор Аякс клубийн төлөө 80 тоглолтод оролцохдоо 24 гоол 20 гоолын дамжуулалт өгсөн байдаг. Үүний долоо нь Аваргуудын лигийн тоглолтод оруулсан гоол юм. Антони хамгаалагч Лисандро Мартинезийг ирсний дараа Юнайтедын дасгалжуулагч Эрик тен Хаг Голландын аваргуудаас Олд Траффорд хүртэл дагасан хоёр дахь тоглогч болж байгаа гэсэн үг юм. Тирелл Маласиа, Мартинез, Кристиан Эриксен, Каземиро нар энэ зун Манчестерт ирсэн. Антони Сантосын хувьд 2021 оноос Бразилын шигшээ багийн бүрэлдэхүүнд 9 тоглолтод оролцож, 2 гоол оруулаад байна.

Э.Мандалбаяр