Монголын Муайтайн тамирчин I-1 холбооны дэлхийн аварга Намжилмаагийн Бат-эрдэнэ 3-р сарын 12-нд өөрийн дэлхийн аваргын бүсээ хамгаалах тулаан хийлээ. Тэрбээр өнгөрсөн оны 11-р сард  Хонконгт болсон мэргэжлийн муайтай боксын дэлхийн аварга шалгаруулах тэмцээний 62 кг-ын жинд аваргын бүсний эзэн болсон юм. Н.Бат-Эрдэний хувьд Монгол-Зо Аваргуудын аваргыг гурав хожиж Аваргын бүстэй болж байсан төдийгүй, ISKA International of China Champion тэмцээнд хоёр хожиж аваргын бүсний эзэн болж байжээ. Мөн WMO WORLD MUAYTHAI CHAMPION тэмцээний аваргын бүстэй юм.

Тэрбээр мэргэжлийн муайтай боксын дэлхийн аварга шалгаруулах тэмцээний 62 кг-ын жинд аваргын бүсний төлөө Өмнөд Америкийн Нкедо Гомбатай тулалдсан бол ийнхүү 3-р сарын 12-нд аваргын бүсээ хамгаалах тулаанаа хйиж, ялалт байгууллаа. Тэрбээр бэлтгэлээ  Garuda BJJ & MMA клубт базаадаг байна. Н.Бат-Эрдэнэ тулааны дараа I -1 холбооны хамгийн эрхэм дээд бүсний эзэн болж чадсандаа баяртай байна.