NBA-ийн алдрын танхимын гишүүн, 4 удаагийн аварга Шакил О’Нил Yahoo Sports-д өгсөн ярилцлагадаа энэ жилийн Финалд Йокич, Яннис гэсэн хоёр том залуусын тулааныг үзэхийг хүсэж байгаагаа илэрхийлжээ.

Сэтгүүлч Винсент Гүдвил: Жокер, Яннис хоёулаа хоёр удаагийн улирлын MVP, финалын нэг МVP, нэг нэг аварга цолтой. Энэ жил энэ хоёр том залуусын аль нэг энэ амжилтаа эвдэнэ гэж бодож байна уу? Милаукий эсвэл Денвер аль нь бүсээ тэргүүлнэ гэж бодож байна?

Шакил О’Нил: Би тэр хоёрыг финалд харахыг хүсэж байна. Мөн спортын хамгийн сайхан зүйл нь маш олон таамаглал дэвшүүлж, түүндээ хариулт олох. Денвер, Милаукий хоёр аль аль нь бүсийнхээ хоёрдугаар байранд явж байна. Тэд гэхдээ мэдээж бүсээ тэргүүлэхийг хүсэж буй нь ойлгомжтой. Денвер аваргаа хамгаалахыг хүсэж байгаа бол Милаатай дахин нэг аваргын цомын эрэлд гарсан. Өрнөд бүсэд өрсөлдөөн их байна. Клипперс, Финикс гээд тэдэнд саад болох багууд олон. Тэгэхээр зүгээр л энэ хоёрыг финалд үзээсэй гэж хүсэж байна.

Сэтгүүлч Винсент Гүдвил: Шак, та яг адилхан замналтай явсан. Эхний Эхний улирлын MVP-ээ авсны дараа дахин хоёр аварга, хоёр финалын MVP хүртсэн шүү дээ.

Шакил О’Нил: Миний сэтгэлийг зовоож байгаа зүйл бол NBA-ийн хамгийн үнэ цэнтэй тоглогч болоход ямар шалгуур тавьдаг вэ? Дүрэм боловсруулагчдын ихэнх нь багийн амжилт дээр тулгуурладаг. Тэгэхээр энэ удаа Денвер бүсээ тэргүүлж чадвал Жокер, Яннисаас нэг алхам урд гишгэх боломжтой болж байна.