2017 онд Завхан аймгийн Их-Уул сумын 10 жилийг дүүргэж ШУТИС-ийн нисэхийн инженерийн ангид элсэн орж 2019 онд U19 улсын аварга шалгаруулах тэмцээнээс хүрэл медал хүртэж, тус тэмцээнийхээ Бэлэгдлийн 5 тоглогчийн /шилдэг довтлогч/ нэгээр нэрлэгдэж сагсан бөмбөгийн спорттой салашгүй холбогдсон юм.
Оюутан байхаасаа л нутгийнхаа ах нартай зааланд тоглож, одоогийн дээд лигийн Завхан Бродерс багийн үүсэл хөгжлийн эхлэл болсон Zawhan Taimens багийн бүрэлдэхүүн Спрайт лиг-д 2 жил тоглосон.
Zawhan Taimens багт SG Apes багийн Өлзий-Орших, Бишрэлт Металл багийн Мөнхчөдөр, Завхан Бродерсын Энх-Амгалан нарын хамтаар /Бродерсын бусад залуу тоглогч/ тоглож 9-0 амжилттай байсан улирал нь ковидоос үүдэлтэй зогссон.
Ковидын үед сургуулиа төгсөөд Нисэхийн инженер мэргэжлээрээ 6 сар хүрэхгүй ажиллаж байхад нь нутгийн ах О.Дагвадорж Завхан Бродерс баг Дээд лигт орж байгаа гэснээр нисэхийн инженер мэргэжлээ орхиж лигийн тоглогч болсон түүхтэй.
Одоогийн багийн ах Б.Энх-Амгалангийн хамтаар сэлгээний бүрэлдэхүүнд сууж байхдаа минут олохын тулд, талбайд гарч тоглохын тулд хамтдаа хөдөлмөрлөж өнөөдөр ахынхаа хамтаар 4 дэх улиралдаа анх удаа БҮХ ОДОД урд шугамын хамтрагч болж, өрсөлдөгчдөө айлгасан Шидэгчийн хослол болж чаджээ.
Энэ улиралд 13.8 оноо, 2.7 сам, 3.1 самбар, 2pts% 56.4, 3pts% 34.3, FT: 76.2% гэсэн статистик дундчилж, дундаж оноогоороо багийнхаа /Монгол тоглогч/ лидер болж Улаан хацарт хочоо Бүх Одод алдараар сольсон М.Баасандоржид баяр хүргэе!
