Тайрис Макси мягмар гарагт Майами Хит багт 106:89 харьцаатай хожигдсоны дараа Филадельфи 76 багийн хувцас солих өрөөнд олон зүйл болсон хэмээн хэлжээ.

ESPN-ий Шамс Чараниагийн хэлснээр Макси "76ers" багийн од Жоэл Эмбийдийг багийн тоглолтод хоцорсон хэмээн буруутгаж, Сиксерсийн амжилт 2-12 болтлоо дордсон байна. 

Макси: “Бид талбай дээр хийж байгаа зүйлсээсээ илүү баг, түүнийгээ ч Эмбийдэд ойлгуулахыг хүссэн. Энэ талаар маш олон зүйл ярилцсан. Эсрэг багууд бидэнд цохилт өгөхөд бид хариу цохилт өгөх ёстой. Бид тэмцэх үедээ тэмцэж чадахгүй байна” хэмээн багийнхандаа хэлсэн гэнэ. Макси гэмтлийн улмаас Сиксэрсийн төлөөх зургаан тоглолтод оролцоогүй бөгөөд өнөөдөр Мемфис Гриззлистэй хийсэн тоглолтод эргэн ирсэн ч тун хангалтгүй тоглолт үзүүлж, 8 оноотойгоор баг нь хожигдсон юм. Харин Эмбийд өвдөгний бэртэл болон торгуулийн улмаас улирлын эхний 11 тоглолтын 10-ыг өнжсөн.

Чараниагийн хэлснээр, Эмбийдийг "бие халаалтад гарч, тоглолтод оролцохоос өмнө өдрийн турш ихэнх багийн найзууд болон дасгалжуулагчид хараагүй" гэжээ. Тоглогчид 76ers багийн дасгалжуулагч Ник Нөрсэд илүү их дасгал сургуулилт хийхийг хүсэж байгаагаа хэлсэн бол дасгалжуулагчид нь тоглогчдыг зорилготойгоор бэлтгэл сургуулилтаа хийж, нарийн ширийн зүйлийг анхаарч үзэхийг хүсч байгаагаа хэлсэн байна. Энэ зун Пол Жоржийг солилцоогоор авчирч, Дорнод бүст томоохон өрсөлдөгч хэмээн харж байсан ч яг одоо 2-12 амжилттай бүсийнхээ хамгийн муу амжилттай баг болоод байна