“Лос Анжелес 2028” олимпын сагсан бөмбөг болон паралимпын тэргэнцэртэй сагсан бөмбөгийн тэмцээнийг зохион байгуулахаар сонгогдсон талбайг ирэх хоёр жилийн хугацаанд шинэчлэхээр төлөвлөж байна. Crypto.com Arena нь сагсан бөмбөгийн гурван франчайз болох NBA-гийн Лос Анжелес Лейкерс, Лос Анжелес Клипперс, эмэгтэйчүүдийн үндэсний сагсан бөмбөгийн холбооны Лос Анжелес Спаркс багууд байрладаг. Клипперс 2024 онд баригдаж дуусах 18,000 хүний суудалтай “Intuit Dome” цэнгэлдэх хүрээлэн рүү шилжих төлөвтэй байгаа бөгөөд энэ үед тэдний Crypto.com-ийн цэнгэлдэхэийн түрээсийн хугацаа нь дуусна. NHL-ийн Лос Анжелес Кингс ч мөн талбайнхаа тоглолтын талбайг ашигладаг. Тус байгууламжийн эзэд болох “Anschutz Entertainment Group”-ын албан тушаалтнууд 1999 онд “Staples Center” нэртэйгээр нээгдсэн бөгөөд энэ жилд “Crypto.com Arena” нэртэй болсон цэнгэлдэхийг сайжруулахад олон сая хөрөнгө оруулалт хийхээр төлөвлөж байгаагаа зарлалаа.
Эдгээр засварын ажилд гэрэл ялгаруулах диодын дэлгэц, туузан хавтангууд болон танхимын түвшнийг ахиулж, цэнгэлдэх хүрээлэнгийн хоолны газрыг хөгжүүлэх зэрэг ажлууд багтаж байна. Хувцас солих өрөөний тоног төхөөрөмжид ч "шинэчлэлт" хийх төлөвтэй байна. Өөр нэг төлөвлөгөө бол “LA Live” талбайг 20,000 хүний суудалтай гадаа цугларах талбайтай холбох шийдэл юм. Лос Анжелес Таймс сонинд бичсэнээр, энэ нь барилгачдад нийтийн талбай болон зочдод тоглогчдыг үзэх боломжтой "Туннель клуб" гэгддэг шилэн ханатай клуб барих боломжийг олгохын тулд тоглолтын талбай болон LA Live хоёрын хоорондох гудамжийг шинэчлэн засварлах шаардлагатай болж байна.
"Crypto.com Arena бол Лос Анжелес хотын нэг хэсэг бөгөөд спорт, зугаа цэнгэлийн хамгийн мартагдашгүй мөчүүдийг бий болгоход гүйцэтгэсэн үүрэгт нь бид үнэхээр бахархаж байна" гэж цэнгэлдэхийг эзэмшдэг группын ерөнхийлөгч бөгөөд гүйцэтгэх захирал Дан Бекерман хэлжээ. “Нээсэн цагаасаа хойш бид дэлхийн хэмжээний арга хэмжээ зохион байгуулж, шүтэн бишрэгчдийн туршлагыг тууштай бий болгохын тулд хамгийн сүүлийн үеийн байрыг бий болгож, хадгалахын тулд олон зуун сая долларын хөрөнгө оруулалт хийсэн. Эдгээр засварын ажилд оруулсан хөрөнгө оруулалт нь манай бүх хөгжөөн дэмжигчид, түншүүд, уран бүтээлчид, багуудад хамгийн сайн туршлагыг хүргэхийн тулд AEG, Лейкерс, Кингс багууд тууштай ажиллаж байна гэлээ. Цэнгэлдэхийн засварын ажлыг 2028 оны Олимп, Паралимпийн наадмаас өмнө дуусгахаар төлөвлөж байна. Лос Анжелес хот өмнө нь 1932 онд, дараа нь 1984 онд хоёр удаа олимп зохион байгуулж байжээ.
