1990 онд Дундговь аймагт төрсөн. Дундговийн Гурвансайхан сумын Их газрын чулууны энгэрт өссөн. Манай аав залуудаа аймаг сумд чөлөөт, жүдо, үндэсний бөхөөр барилддаг хүн байсан. Төрсөн ах маань жүдо бөхийн тамирчин, холимог тулааны шилдэг тамирчин Монгол Улсын аварга Хүүхэнхүүгийн Амартүвшин гэдэг хүн байдаг.Би бага насаа хөдөө өнгөрөөсөн. Өвөл зунгүй л мал дээр хөдөө ихэвчлэн байдаг байсан. Бусад хүүхдүүдийг бодвол том биетэй гүйж харайдаг спортлог хүүхэд байсан. Мөн хүүхэд байхдаа жүдогоор хүчээллэж байсан.
