Тайсон Фюри Кардиффт болсон WWE-ийн "Clash at the Castle" тэмцээний гол тэмцээнд оролцсоныхоо дараа ирэх долоо хоногт тулаанаа зарлахаар төлөвлөж байгаа гэж мэдэгдлээ. Дөрөвдүгээр сард Диллиан Уайтыг ялсныхаа дараа мэргэжлийн боксллс зодог тайллаа гэж мэдэгдсэн дэлхийн хүнд жингийн аварга боксчин Фюри аварга Роман Рейнс болон Шотландын од Дрю МакИнтайр нарын хооронд болсон тулаанд оролцохоос өмнө Принсипалити цэнгэлдэх хүрээлэнд цугласан олны дунд байсан юм. Өнгөрсөн сард Украйны тамирчин Александр Усик Энтони Жошуаг хоёр дахь удаагаа ялж, WBA (Super), IBF, WBO, IBO зэрэг жингийн бүсээ авч үлдсэн. Фюриг Александр Усиктай тулаан хийх талаар ч холбон тайлбарлаж байсан. Фюри баасан гаригт сошиал сүлжээндээ, Усик ямар ч тулаан зарласан бай " би бут ниргэх болно" гэж нийтэлж байсан удаатай. Гэвч Кардиффт болсон арга хэмжээний дараа WWE-ийн хэвлэлийн бага хурал дээр Фюри Усикийг хүлээхгүй гэдгээ мэдэгдсэн байна. “Энэ жил хаана ч хамаагүй тулаан хийцгээе гэж би хэлсэн. Би улс орнууд тов тогтоож гарч ирэхийг хүлээж байсан. Одоо би хэнийг ч хүлээхгүй, ирэх долоо хоногт тулаанаа зарлах болно.” гэжээ.
Рейнс Макинтайрийг шалгаруулж, олон жилийн турш эзэмшиж байсан цолоо хадгалсан нь WWE-ийн 1992 оноос хойш анх удаа Их Британийн цэнгэлдэх хүрээлэнгийн шоунд оролцсон 62,000 гаруй үзэгчдийн урмыг хугалсан юм. Дараа нь Фюри рингэнд орж ирэн, Айршираас төрсөн Макинтайртай нүүр тулахаас өмнө аваргад баяр хүргэжээ. Дараа нь Фюри 'Америкийн бялуу' барааны тэмдэгээ зарлахад тулаанчид шоугаа дуугаар өндөрлөжээ. Фюри WWE-д оролцож байгаа анхны тохиолдол биш юм. 2019 онд Саудын Арабын "Crown Jewel" тэмцээнд Браун Строумантай тулалдаж байсан.
