Бадминтоны улирлын төгсгөлийн тэмцээн өнгөрсөн жил COVID-19 тахлын улмаас Гуанжоугаас Бангкок руу нүүлгэсний дараа Хятадын хотод эргэн ирлээ. Анхны удаагаа 2018 онд BWF Super Series Finals тэмцээнийг залгамжлан зохион байгуулж байжээ.  2023 оны “BWF World Tour Finals” Азийн наадам зохион байгуулагдсанаас хойш хоёр сар гаруйн дараа буюу 12-р сарын 13-17-ны хооронд зохион байгуулагдах гэж байна. 2023 оноос хойш бадминтоны дэлхийн удирдах байгууллага 31 тэмцээн бүхий Дэлхийн тур тэмцээний хуанлиг зарлажээ. Дэлхийн бадминтоны холбооны ерөнхий нарийн бичгийн дарга Томас Лунд Ханжоу хотод нэр хүндтэй арга хэмжээг зохион байгуулах болсонд баяртай байгаагаа илэрхийллээ. "Хятад улсын Ханжоу хотыг манай холбооны цувралын финалын тэмцээнийг зохион байгуулагчаар баталгаажуулж байгаадаа маш их баяртай байна. Бадминтон бол бүх цаг үеийн өндөр оролцоотой, хөгжөөн дэмжигчдийнхээ тоогоор дэлхийд хамгийн хурдацтай хөгжиж буй спортын нэг бөгөөд спортын дэд бүтэц, олон улсын элит тэмцээнүүдийг зохион байгуулах туршлагатай Ханжоу бол манай шигшээ тэмцээнийг зохион байгуулах хамгийн тохиромжтой газар юм.” гэж тэрбээр хэлжээ.

Ийнхүү шилдэг найман тоглогч, хосуудыг мянга мянган шүтэн бишрэгчдийнхээ өмнө алдаршуулахын төлөө өрсөлдөхийг тэсэн ядан хүлээж байна. Өнгөрсөн жилийн эрэгтэйчүүдийн ганцаарчилсан төрөлд Данийн Виктор Аксельсен түрүүлсэн бол эмэгтэйчүүдийн титмийг Японы Акане Ямагучи хүртсэн юм. Хятадын бадминтоны холбооны ерөнхийлөгч Жан Жүн хэлэхдээ, Ханжоу хотод уг тэмцээнийг зохион байгуулж байгаа нь нэр төрийн хэрэг юм. Тус хот түүх, соёлоороо алдартай тул бадминтоны спортын тэмцээн Ханжоу хотод зохиогдох нь бидэнд олон талын давуу байдлыг бий болгоно.  Финалын тэмцээнийг зохион байгуулах нь орон нутгийн засаг захиргааны хувьд нэр төрийн хэрэг юм. Дэлхийн бүх шилдэг тоглогчид Ханжоу хотод цугларахыг урьж байна." гэжээ.