Өчигдөр ESPN2-р сувгаар 2024-оны NBA-ын хамгийн хүндлэлтэй шагналуудын нэг болох Нейсмитын нэрэмжит “Алдрын танхим”-д залрах 13 хүний нэрийг олон нийтэд дэлгэлээ. Энэ оны алдрын танхимд зарах тамирчдыг 8-р сарын 16-17 өдрүүдэд болох ёслолын ажиллагааны үеэр Чонси Биллапс, Винсанити тэргүүтэй 13 эрхмийг албан ёсоор нэрсийг нь мөнхжүүлэхээр болжээ. 

Нейсмитийн сагсан бөмбөгийн алдрын танхимын ерөнхийлөгч бөгөөд гүйцэтгэх захирал Жон Л.Долева хүндэт эрхмүүдийн нэрийг зарлахаасаа өмнө: “2024 оны Алдрын танхимын ангид хосгүй шилдэг амжилтаараа өөрсдийгөө нотолсон эрхмүүд орж байгаа нь эргэлзээгүй. Бид талбай дээр болон талбайн гадуур ур чадвараа харуулахаас эхлээд, ахлах сургууль, коллеж, сагсан бөмбөгийн замналдаа бусдыг удирдан чиглүүлж, өөрсдийн амжилтаараа үлгэр дуурайлал үзүүлсэн эдгээр гайхалтай хүмүүст хүндэтгэл үзүүлж байгаадаа баяртай байна" хэмээсэн байна. 

Хойд Америкийн Хорооноос:

Чонси Биллапс 

"Mr Big Shot” хочтой ч Чонси Биллапс шийдвэрлэх мөчүүдэд чухал тоглолтуудыг үзүүлж чаддагаараа алдартай. Биллапс Детройт Пистонс багийг тэргүүлэн гурав дахь удаагаа NBA-ын аварга болсноосоо хойш 5 удаагийн NBA-ын Бүх-Од болохоос гадна 2004 оны финалын MVP болсон юм. Биллапс 17 жилийн замналынхаа туршид нэг тоглолтод дунджаар 15.2 оноо, 5.4 оновчтой дамжуулалт өгсөн ба 89.4 хувьтай чөлөөт шидэлт гүйцэтгэдэг байсан NBA/ABA-ын түүхэн дэх хамгийн шилдэгт орох үзүүлэлт юм. Тэрбээр одоо Портланд Трэйл Блэйзерс багийн ахлах дасгалжуулагчаар ажиллаж байна. 

Винс Картер

Урам гоёмсог слэм данкаараа алдартай, Хойд Каролинагийн хайрт хөвгүүн, бурхны дөрвөн хүүгийн нэг Винс Картер НБА-д 22 улирал /1998-2020/ тоглохдоо найман удаа Бүх-Одод шалгарч байжээ. 2000 оны Slam Dunk-ын тэмцээнд түрүүлсэн Картер 1998-1999 оны шилдэг шинэ тоглогчоор тодорсон бөгөөд NBA-ийн түүхэнд дөрвөн арван жилд тоглосон цорын ганц тоглогч юм. Картер нэг тоглолтод дунджаар 16.7 оноо, гараанд байх хугацаандаа 21.3 оноо дунджил байсан юм. 2000 оны Сиднейн олимпод АНУ-ын эрэгтэй сагсан бөмбөгийн багийн хамт алтан медаль хүртэхэд чухал үүрэг гүйцэтгэсэн. Тэрээр Нью Жерси буюу Брүүклин Нетс, Торонто Рэпторс зэрэг багуудын нэг улиралд авсан онооны дээд амжилтыг одоо ч эзэмшсээр байна. 

Тэдний хамтаар Майкл Купер, Уолтер Дэвис, Бо Райан, Чарльз Смит зэрэг эрхмүүд Хойд Америкаас нэрлэгджээ.

Эмэгтэйчүүдийн хороо: Сеймон Август

Эрэгтэй ахмадын хороо: Дик Барнетт

Эмэгтэйчүүдийн ахмадын хороо: Харли Редин

Олон улсын хороо: Мишель Тиммс

Оролцогчдын хороо: Даг Коллинз, Херб Саймон, Жерри Уэст зэрэг эрхмүүд энэ жилийн алдрын танхимд нэрээ мөнхжүүлэхээр болжээ.