Ахлах дасгалжуулагчийн карьер нь амаргүй эхэлсэн ч шилдэг дасгалжуулагчийн өрсөлдөөнд хүчтэй яригдах хэмжээнд багаа удирдаж буй Эрдэнэт Майнерс багийн ахлах дасгалжуулагч Б.Анар...

Лигийн шилдэг дасгалжуулагчаар нэрлэгдэж байсан Ч.Ижилболд дасгалжуулагчийн туслахаас дасгалжуулагчийн карьер аа эхлүүлж, сүүлийн 2 улиралд, улирлын шилдэг амжилттай байсан Эрдэнэт Майнерс багт Василис Фрагкиас дасгалжуулагчийн туслах дасгалжуулагчаар ажиллаж туршлагаа нэмсэн туслах дасгалжуулагч Б.Анарт

2024-2025 оны улиралд Эрдэнэт Майнерс багийн ахлах дасгалжуулагч болох саналыг багийн удирдлагууд тавьж тэрээр уг саналыг хүлээн авсан ч улирал нь маш тааруу эхэлсэн.

Гэхдээ түүнийг өмөөрөх олон шалтгаан бий. Өнгөрсөн 2 улиралд лигт босоо амжилттай байсан багийн бүрэлдэхүүнд маш олон өөрчлөлт гарсан. Тухайлбал: гарааны төв О.Энхбаатар 3х3-руу шилжсэн, Г.Ган-Эрдэнэ АНУ-руу суралцахаар явсан, Б.Болор-Эрдэний хувьд Бишрэлт Металл багтай үүссэн асуудлын улмаас тоглох эсэх нь ч эргэлзээтэй байсан, Э.Мөнхбаяр SG Apes багруу явсан, А.Тэмүүжин BCH Knights багруу явсан гэх мэтчилэн лигийн хүснэгтийг 2 жил тэргүүлсэн багийн бүрэлдэхүүн нь 55 хувь нь солигдож багаа шинэ залуу тоглогч нараар түлхүү бүрдүүлж ахмад туршлагатай 5 тоглогчтой улирлаа эхлүүлсэн.

Улирлын эхлэлд үүссэн Г.Болор-Эрдэний асуудал нааштай шийдэгдсэн хэдий ч эхний 4 тоглолтонд оролцоогүй, 5 дахь тоглолтоос оролцож эхэлсэн хэдий ч улирлыг 0-6 амжилттай хүснэгтийн 10-р байранд л байлаа. Ахлах дасгалжуулагч Б.Анар тухайн үед орсон нэг нэвтрүүлгийн үеэр сэтгүүлчийн асуусан ...Танай багийн бүрэлдэхүүн өмнөх улирлуудтай, энэ жилийн багуудтай харьцуулахад маш их өөрчлөлт орсон, бас бүрэлдэхүүний хувьд тийм ч сайн биш улирлыг тааруу эхлүүлээд байгаа... талаар асуухад Б.Анар ...Миний хувьд багынхаа бүрэлдэхүүнийг тааруу гэж бодохгүй байна, хожих л ёстой, хэрвээ баг хожихгүй бол ахлах дасгалжуулагч л хариуцлагаа хүлээнэ... гэхээн хариулж байв.

Улирлын 7 дахь тоглолтондоо анхны хожлоо байгуулж үргэлжлүүлэн 1-8, 2024.12.31-ний өдрөөр 3-11 амжилттай хүснэгтийн 10-р байраар 2024 оныг дуусгасан. Он гарсанаас хойш тэдэнд юу тохиолдов гэмээр маш сайн тоглолтыг үзүүлсээр Азийн аваргын урьдчилсан шатны завсарлагаа хүртэл ердөө 34 хоногийн дотор 10-1 амжилтыг үзүүлж хүснэгтийн 10-р байраас 4-р байрт буй Сэлэнгэ Бодонс багтай хожлын харьцаа тэнцэж 13 хожилтой болж чадлаа.

Шинэхэн ахлах дасгалжуулагчийн арга барилд багийн тоглогч нар нь уусч байна, багийн шинэ залуу тоглогч нар лигт дасч байна, багийн лидер үүргээ маш сайн ухамсарлаж байна, багийн 2 импорт тоглогч үүргээ маш сайн ухамсарлаж байна гээд багт бүх зүйл нааштай байна.

Магадгүй тэд сүүлийн 2 учраагаа ялж чадвал /BCH Knights, SG Apes/ хэцүүхэн эхэлсэн хар бараан дурсамжтай байж ч магадгүй ахлах дасгалжуулагчийн карьер аа лигийн Шилдэг дасгалжуулагч гэсэн эрхэм шагналын эзэн болж ч дуусгаж болохыг үгүйсгэхгүй.

Шилдэг дасгалжуулагч гэж хэн бэ? Сайн багийг аварга авхуулах уу? эсвэл хүн бүрийн хүлээлтэнд байгаагүй багаар хүлээлтээс өндөр амжилт үзүүлэх үү?

2024-2025 оны улирал эхлэхэд бүхий л хүмүүс, медиа пэйж сайтууд Эрдэнэт Майнерс багийг ПИ-д өрсөлдөнө гэж байсан нь саяхан, гэхдээ тэд он гарсанаас хойш 10-1 амжилттай, ПО-д хамгийн бэлэн, ямар ч баг таарахыг хүсэхгүй байгаа болов уу?

Ахлах дасгалжуулагч: Б.Анар

Багийн бүрэлдэхүүн: Г.Насанжаргал, С.Төгөлдөр, Г.Баттөр, Г.Одбаяр, О.Очирбат, Э.Дорж-Арилд, А.Бямбадорж, Э.Хосбаяр, Г.Болор-Эрдэнэ, Н.Золжаргал, Ч.Баяртогтох, S.Ponds, K.Esho

Лигийн тоглолтын үр дүн хуваарь, статистик мэдээллийг www.msports.mn веб сайт болон msports апп-ын тэмцээн цэснээс харах боломжтой.

✅ Msports Аппликейшн татах ⤵️

📲: https://bit.ly/msportsappЛигүүдийн