Домогт боксчин Майк Тайсан өөрөөсөө 31 насаар дүү сошиал од Жейк Полтэй долоодугаар сарын 20-нд мэргэжлийн рингэн дээр тулалдах болно. Харин энэ тулааныг Техасын лиценз, зохицуулалтын газраас зөвшөөрөгдсөн, мэргэжлийн тулаан хэмээн ангилахаар болжээ. 

Энэ зуны тулааныг Техасын Лиценз, зохицуулалтын газраас зөвшөөрөгдсөн, мэргэжлийн тулаан гэж ангилна хэмээн ESPN-ий сэтгүүлч Андреас Хейл өнөөдөр мэдэгдэв. Мөн энэхүү тулааныг Netflix олон улсын контент дамжуулалтын компани шууд дамжуулан хүргэх юм. Хүнд жингийн тулаанд найман үе тоглох ба үе тус бүр хоёр минут үргэлжилнэ. Хоёр тулаанч 400 граммын бээлийтэй тулалдах гэнэ. 

Тэдний тулаан зарлагдсаны дараа хүмүүс энэ нь зүгээр л мөнгө олох зорилготой шоу тулаан хэмээн бодож байсан ч эцэст нь мэргэжлийн боксын амжилтад нь нөлөөлөх, зөвшөөрөгдсөн тулаан болохоор болжээ. 

7-р сарын 20-нд Техас мужийн Арлингтон хотын AT&T цэнгэлдэх хүрээлэнд туг тулаан болох болно. Боксын хүнд жингийн аварга асан Тайсон 2005 онд Кевин Макбрайд ялагдсанаасаа хойш мэргэжлийн тулаанд оролцоогүй. Түүний хамгийн сүүлд 2003 онд мэргэжлийн замналдаа ялалт байгуулсан. Тайсон нийт 50-6 амжилттай ба 44 удаа хүнд цохилтоор өрсөлдөгчөө ялж, өөрийн агуу замналаа дуусгасан билээ. 

Харин Пол боксын карьераа эхлүүлснээсээ хойш 9-1 амжилттай яваа бөгөөд 6 удаа хүнд цохилтоор өрсөлдөгчөө ялсан байна. Гэхдээ түүний ялалтуудын ихэнх нь Тайрон Вүүдли, Бен Аскрен, Андерсон Силва, Нейт Диаз зэрэг UFC-ийн тулаанч асан буюу ахмад тулаанчидтай таарч байв. Түүний цорын ганц ялагдал нь өнгөрсөн жил уламжлалт боксын хамгийн шилдэг тамирчин байсан Томми Фьюритэй тулсан явдал байлаа. 

Жейк Пол Майк Тайсоноос 31 насаар ба тэдний насны зөрүү мэргэжлийн боксын түүхэн дэх хамгийн олон насны зөрүүтэй тулаан болох болно.