Хөлбөмбөгөөр 13 настайгаа хойш тууштай хичээллэж эхэлсэн. "ИНХ" клубт хичээллэж эхэлж байсан. Анхнаасаа Мөнхбат буюу Гоонжий багшийн удирдлага дор хөлбөмбөг тоглож байгаа. 15 настайгаасаа Дэрэн клубт орж, өдийг хүртэл тус клубтээ хичээллэж, тэмцээн уралдаанд оролцож байгаа. 2017 онд дээд лигийн бүх тоглолтуудад тоглож, шигшээ багийн мөн бүх тоглолтуудад тоглож байсан жил хамгийн нандин, дурсамжтай байдаг.

Хөлбөмбөгийн үндэсний шигшээ багт 2017 оноос эхэлж дуудагдсан. Одоо Европын багийн эсрэг түүхэндээ шигшээ баг тоглох бүрэлдэхүүнд сонгогдсондоо баяртай байгаа. Бид ахлах дасгалжуулагч Ичиро Оцүкагийн удирдлага дор бэлтгэлээ Гүржэд хийж байна. Аль болох олон нөхөрсөг тоглолтонд оролцож, аль болох идэвхитэй байлгаж, баг тамирчдыг туршлагатай бэлэн байлгах тал дээр анхааруулж байна. Гүрж улсад ирсэн сэтгэгдэд дажгүй сайхан байна. Цаг агаарын хувьд хэцүү зүйлгүй, Гүржийн багтай тоглоход гоё байна байх гэж бодож байна.

Ерөнхий боловсролын 84-р сургулийг төгссөн. Бөхийн өргөөний тэнд байдаг сургууль. 3-р ангиасаа Сэлэнгэ аймгаас ирээд тус сургуульд 12-р ангиа төгстөл суралцсан. 10 жилдээ сахилгагүй, хөдөлгөөнтэй, спортлог хүүхэд байсан. Одоо бол зөвхөн хөлбөмбөгөөрөө дагнан хичээллэж байна. Анх хөлбөмбөг тоглодог байсантай харьцуулвал одоо клубүүд илүү их бэлтгэл хийдэг, тактик, техник сайжирч илүү өрсөлдөөнтэй болсон гэж боддог.

Superpower-тай болох боломж байсан бол хүчтэй, ядардаггүй хүчтэй болохыг хүсэх байсан. Учир нь ядрахгүй бол илүү сайн тоглож, ямар ч хугацаагаар хамаагүй бэлтгэл, тоглолт хийх боломжтой учраас.

Кино үзэх дуртай. "Marvel"-ийн кинонуудад дуртай. "Avengers"-ийн хамгийн дуртай дүр нь "Spiderman". Яагаад гэхээр кинонууд их гоё, сонирхолтой байдаг.

Ээжийн хийсэн бүх хоолонд дуртай. Ээж ихэвчлэн хоол хийдэг бэлтгэл, тоглолт тараад очиход ээжийн хийсэн хоолыг идэхээр гоё байдаг. Ээжийн хийсэн будаатай хуурга, банштай цай, бууз гэх мэт.

Дээд лигийн тэмцээнд 2021 онд "Дэрэн" клубын хамтаар мөнгөн медаль хүртсэн. 2022 онд Супер цомын тэмцээнд түрүүлсэн. Цаашид гадагшаа явж тоглох хүсэлтэй. Өөрийгөө дайчилж, улам их зүйл суралцахыг хүсдэг.

Даруухан, гоё инээдэг, яриа нийлдэг эмэгтэй хүн таалагддаг.

Сэтгэлээр унасан үедээ аль болох юм бодохгүй унтахыг хүсдэг. Унтаад сэрэхээр тайвширцан байдаг болохоор маргааш нь сэрээд бэлтгэлдээ орж өөрийгөө сэргээдэг. Мөн хөгжим сонсдог. Weeknd-ийн дуунуудад дуртай.