Энэ зун Парист болох Олимп, Паралимпийн наадамд тамирчдад олгох 5084 медалийн дотор Эйфелийн цамхгаас авсан зургаан өнцөгт хэлбэртэй эх бүтээл багтах болно гэж зохион байгуулагчид пүрэв гарагт Чауметийн бүтээсэн загварыг танилцуулах үеэр мэдэгдлээ. Парис-2024 олимпын наадмын тамирчдад олгох медальд Эйфелийн цамхгийн эх хэсгийг оруулах гэнэ. Францын нийслэлийн хамгийн тод бэлгэ тэмдэг болсон Эйфелийн цамхагийн дүр төрхийг илэрхийлсэн зургаан өнцөгт төмрөөс багтаасан байна. Тодруулбал, медалийн ард талд нь 1887-1889 онд Эйфелийн цамхгийг сэргээн засварлах үед гарсан төмөр хэлтэрхий хэсгүүдээр эх газар дахь Франц улсыг санагдуулах зургаан өнцөгтийг урласан байна.
5084 алт, мөнгө, хүрэл медаль нь үнэт чулуу шиг зургаан талт төмөр медальтай байх юм. Медалийг Францын элит үнэт эдлэлчин Чаумет зохион бүтээжээ. "Бид 1889 оны Эйфелийн цамхгаас нэг хэсгийг Парисын Олимп, Паралимпийн наадмын медальтнуудад санал болгохыг хүссэн" гэж орон нутгийн зохион байгуулах хорооны дарга Тони Эстангует AFP агентлагаас цуглуулсан мэдэгдэлдээ дурджээ.
