Сагсан бөмбөгийн Европын аварга шалгаруулах “Евро Баскет 2025” тэмцээн Кипр, Финланд, Латви, Польш гэсэн улсуудад 8-р сарын 27-с эхлэн хэсгийн шатны тоглолтууд үргэлжлэн явагдаж байна. Тус тэмцээнд Европын 24 баг 4 хэсэгт хуваагдан 42 дахь аваргын цомын төлөө өрсөлдөж байна.

Тэмцээний зургаа дахь өдөр гэхэд хэсгийн тоглолтууд дуусаагүй байгаа ч хэдийн хасагдах шатанд тоглох багууд тодроод эхэлжээ. Одоогийн байдлаар А болон B хэсгийн багууд 4 дөрвөн тоглолт хийсэн бол C болон D хэсгийн багууд гурван тоглолт хийгээд байгаа юм.

Баг бүр хэсэгтээ таван тоглолт хийх ба хэсгээ тэргүүлсэн дөрвөн баг шигшээ 16-д өрсөлдөнө. Тэмцээний хасагдах шат есдүгээр сарын 6-14-ний хооронд Латви улсын Рига хотод болно.

Одоо та бүхэнд Шигшээ 16-д орох эрхээ баталгаажуулсан багуудыг танилцуулъя!

ТУРК /А ХЭСЭГТ 4-0 АМЖИЛТТАЙ/

Энэ жилийн "Евро Баскет" тэмцээний цоо шинэ нүүр царай болсон баг бол Турк. Учир нь тэд нээлтийн тоглолтод Латвийг 20 онооны зөрүүтэй хожиж, шуугиан тарьсан бол түүнээс хойш нэг ч хожигдол авалгүй 4-0 амжилттай хэсгээ тэргүүлж байна.

Эхний дөрвөн тоглолтод:

Латви 73-93 Турк

Чех 78-92 Турк

Турк 95-54 Португал

Эстония 64-84 Турк

Туркийн багийг статистик үзүүлэлтээр тэргүүлж байгаа тоглогчдыг ЭНД дарж харах боломжтой.

Хэсгийн сүүлийн тоглолтоо тэд хэсгээсээ 1-р байраар гарах эрхийн төлөө Никола Йокич тэргүүтэй хүчирхэг Сербийн шигшээ багийн эсрэг 09-р сарын 04-нд тоглоно.

СЕРБИ /А ХЭСЭГТ 4-0 АМЖИЛТТАЙ/

Мэдээж энэ тэмцээний гол фаворит буюу түрүүлэх магадлалтай гэгдэж буй Сербийн шигшээ баг мөн адил хэсэгтээ нэг ч хожигдолгүй авалгүй 4-0 амжилттай, шигшээ 16-д шалгарах эрхээ баталгаажуулаад байна. Тэд хэсэгтээ:

Эстония 64-98 Серби

Португал 69-80 Серби

Серби 84-80 Латви

Серби 82-60 Чех

Сербийн статистик үзүүлэлтээр тэргүүлж байгаа тоглогчдыг ЭНД дарж харах боломжтой. Дээр дурдсанчлан хэсгээс 1-р байраар эрхийн төлөө Туркийн шигшээ багийн эсрэг 09-р сарын 04-нд тоглоно. Харамсалтай мэдээ гэвэл тэдний гол оноо түүгчдийн нэг Богдан Богданович бэртлийн улмаас үлдсэн тоглолтуудад оролцохгүй байх магадлалтай байгаа нь тэдний том зорилгод саад болох магадлалтай.

ЛАТВИ /А ХЭСЭГТ 2-2 амжилттай/

А хэсгийн ширүүн өрсөлдөөнд Латвийн шигшээ баг "амьд" үлдэж, 2-2 амжилттайгаар шигшээ 16-д өрсөлдөх эрхээ баталгаажууллаа. Тэд хэсгийн эхний дөрвөн тоглолтдоо:

Латви 73-93 Турк

Эстони 70-72 Латви

Лавти 80-84 Серби

Португал 62-78 Латви

Латвийн шигшээ багийн статистик үзүүлэлтээр тэргүүлж буй тоглогчдыг ЭНД даран харах боломжтой.

Кристапс Порзингис, Давис Бертанс тэргүүтэй Латви хэсгийн гуравдугаар байраа хадгалж үлдлээ. Тэд шигшээ 16-д B хэсгийн 2-р байраар шалгарсан багтай шигшээ 8-д шалгарах эрхийн төлөө өрсөлдөнө.

Тэмцээний А хэсэгт дээрх гурван баг шигшээ 16-д өрсөлдөх эрхээ авсан ба 4-р байрын төлөө Эстония болон Португалийн шигшээ баг 09-р сарын 03-нд тоглох хуваарьтай байна. Харин Чехийн шигшээ баг нэг ч хожигдол авалгүй 0-4 амжилттайгаар энэхүү тэмцээний хасагдах шатанд өрсөлдөх эрхгүй болсон юм.

ГЕРМАН /B ХЭСЭГТ 4-0 АМЖИЛТТАЙ/

Өнгөрсөн тэмцээний хүрэл медальт энэ жилийн гол фаворитуудын нэг Германы шигшээ баг тэмцээний B хэсгийг 4-0 амжилттай итгэл төгс тэргүүлж байна. Өрсөлдөгчдөө хамгийн багадаа 19 оноогоор хожиж буй тэд хэсэгтээ:

Моненегро 76-106 Герман

Герман 105-83 Швед

Литва 88-107 Герман

Герман 120-57 Их Британи

Деннис Шрөдер, Франз Вагнер зэрэг шилдэг тоглогчидтой тэднийг хэсэгт нь зогсооно гэдэг бүтэшгүй мэт гайхалтай тоглолтууд үзүүлж, шигшээ 16-д тоглох эрхээ баталгаажууллаа. Тэд хэсгийн хамгийн сүүлийн тоглолтоо тус хэсгийн хүчтэй өрсөлдөгч Финландын шигшээ багтай 09-р сарын 04-нд тоглоно. Германы шигшээ багийн тоглогчдын статистик үзүүлэлтийг ЭНД даран харах боломжтой.

ЛИТВА /В ХЭСЭГТ 3-1 АМЖИЛТТАЙ/

Рокас Жокубайтис, Йонас Валанчиунас тэргүүтэй Литвийн шигшээ баг хэсэгтээ Германаас бусад бүх томоохон өрсөлдөгчдөө буулгаж авсан. Тэд хэсэгтээ 3-1 амжилттай:

Их Британи 70-94 Литва

Литва 94-67 Монтенегро

Литва 88-107 Герман

Финланд 78-81 Литва

Германыг эс тооцвол чухал гурван тоглолтод хожил байгуулж чадсан тэд шигшээ 16-д оролцох эрхээ албан ёсоор халаасаллаа. Хамгийн сүүлд Литва улсын шигшээ баг 2022 онд оролцохоо 15-т орж байсан бол энэ удаа амжилтаа ахиулах боломж гарч ирж байна.

Литва улсын шигшээ багийн статистик үзүүлэлтийг ЭНД дарж харах боломжтой. Тэд хэсгийн сүүлийн тоглолтоо 09-р сарын 03-нд Шведийн багтай хийнэ. Хэсгээсээ 2-р байраар шалгарвал тэмцээний А хэсгийн 3-р байраар шалгарсан багтай шигшээ 16-д хүч үзнэ.

ФИНЛАНД /B ХЭСЭГТ 3-1 АМЖИЛТТАЙ/

Евро Баскет тэмцээнд нийт 18 удаа оролцсон ч хамгийн дээд тал нь 6-р байр, өнгөрсөн удаа 7-р байранд орсон залуу Финландын шигшээ баг өлсгөлөн байгаа нь гарцаагүй. Лаури Маркканен, Микаел Жантунен тэргүүтэй Финландууд хэсэгтээ 3-1 амжилттайгаар шигшээ 16-д оролцох эрхээ хэдийн баталгаажуулжээ. Тэд хэсэгтээ:

Швед 90-93 Финланд

Финланд 109-79 Их Британи

Монтенегро 65-85 Финланд

Финланд 78-81 Литва

Финландын шигшээ багийн тамирчдын статистик үзүүлэлтийг ЭНД даран харах боломжтой. Финладын шигшээ баг хэсгийн сүүлийн тоглолтоо хэсгээ тэргүүлэгч хүчирхэг Германы шигшээ багтай 09-р сарын 04-нд тоглох хуваарьтай байна. Хэрвээ тэд хэсгээсээ 3-р байраар шалгарвал А хэсгийн 2-р байраар шалгарсан багтай шигшээ 8-д шалгарах эрхийн төлөө өрсөлдөнө.

B хэсэгт үлдсэн сүүлчийн эрх буюу 4-р байрын төлөө Монтенегро болон Их Британи, Шведийн багууд өрсөлдөж байна.

ГРЕК /С ХЭСЭГ 3-0 АМЖИЛТТАЙ/

Яннис Антетокоунпо, Константинос Митоглоу тэргүүтэй Грекийн шигшээ баг С хэсэгт хожигдолгүй яваа цорын ганц баг ба 3-0 амжилттайгаар шигшээ 16-д оролцох эрхээ хэдийн халаасалжээ. Тэд хэсэгтээ:

Грек 75-66 Итали

Кипр 96-96 Грек

Гүрж 53-94 Грек

Хэсгийн сүүлийн хоёр тоглолтоо Бахрейн болон Испанийн шигшээ багуудтай тус тус тоглоно. Нийт 29 дэх удаагаа тус тэмцээнд оролцож буй Грекийн шигшээ баг өнгөрсөн удаа 5-р байраар тэмцээнээ өндөрлүүлсэн бол энэ удаа медаль 1993 оноос хойш хүртээгүй алтан медалиа дахин горилж буй нь гарцаагүй.

Грекийн шигшээ багийн тамирчдын статистик үзүүлэлтийг ЭНД даран харах боломжтой. Хэрвээ тэд хэсгээ тэргүүлвэл D хэсгийн 4-р байраар шалгарсан багтай, 2-р байраар шалгарвал D хэсгийн 3-р байраар шалгарсан багтай шигшээ 16-д өрсөлдөнө.

ПОЛЬШ /D ХЭСЭГ 3-0 АМЖИЛТТАЙ/

Өнгөрсөн удагаийн Евро Баскетад Германд ялагдан хүрэл медалиас мултарсан Польшийн шигшээд хийж дуусгаагүй олон ажил бий. Тиймдээ ч тэд энэ жил хэсгий эхний гурван тоглолто нягт нямбай хийсээр 3-0 амжилттайгаар шигшээ 16-д шалгарах эрхээ аваадб байна.

Словени 95-105 Польш

Польш 66-64 Исрайл

Исланд 75-84 Польш

Хэсгийн сүүлийн хоёр тоглолтоо өнгөрсөн удаагийн мөнгөн медальт Францчууд болон, аваргаа хамгаалагч Испанийн шигшээ гэсэн хүнд хуваарь үлдээд байна.

Польшийн шигшээ багийн тамирчдын статистик үзүүлэлтийг ЭНД даран харах боломжтой.

ЕВРО БАСКЕТ-2025 тэмцээний С, D хэсгийн 4 дэх тоглолтууд өнөөдөр явагдана.