Виктор Вэмбаньяама NBA-ийн шилдэг шинэ тоглогчоос гадна шилдэг хамгаалан тоглогчийн шагналд зэрэг нэр дэвшлээ

Өсөхбаяр

4 сарын 22

Өчигдөр буюу ням гарагт NBA-ээс улирлын шагналын эцсийн шатанд шалгарсан тоглогчдыг зарлалаа. Улирал бүрд өөр өөр төрлүүдээр шилдэг амжилт үзүүлсэн тоглогчдод олгодог шагналыг гурав дахь удаагаа MVP цомд нэр дэвшсэн Никола Иокич дахин тэргүүлж байна Мөн өнгөрсөн жилийн драфтын нэгдүгээр сонголт Сан Антонио Спөрс багийн төв Виктор Вэмбаньяама шилдэг шинэ тоглогч болон шилдэг хамгаалан тоглогчийн шагналыг зэрэг авах магадлалтай байна.

Лигээс оны шилдэг шинэ тоглогч, оны шилдэг хамгаалагч, оны зургаа дахь тоглогч, шилдэг тоглогч, оны шилдэг дасгалжуулагч, оны шилдэг “Сlutch” буюу төгсгөлийн мөчид найдвартай довтлогч зэрэг шагналуудын эцсийн шатанд шалгарсан тус бүр гурван тоглогчдыг зарласан юм.

Хамгийн том шагнал болох улирлын шилдэг тоглогчийн шагналд 2021, 2022 онд дараалан MVP шагналыг хүртсэн Никола Йокич энэ жил дахин тэргүүллээ. Тэрээр 2022-23 оны улирлыг NBA-гийн анхны аварга болж, финалын MVP цомыг хүртсэн. Одоо гурав дахь MVP цомоо хүртэх боломжтой. Хэрвээ энэхүү шагналыг хүртвэл бүх цаг үеийн шилдэг тоглогчдын дунд түүний байр суурь улам бүр баттай болох нь дамжиггүй. Мөн Билл Рассел, Уилт Чемберлен, Карим Абдул-Жаббар, Мозес Мэлоун, Ларри Бөрд, Мэжик Жонсон, Майкл Жордан, Леброн Жэймс нартай нэгдэж, 3 ба түүнээс дээш MVP шагнал хүртсэн лигийн түүхэн дэх ес дэх тоглогч болох юм.

Дээр дурдсан үндсэн шагналуудыг авахын тулд тоглогчид хамгийн багадаа 65 тоглолтод оролцохыг шаарддаг шинэ дүрэм энэ жилээс мөрдөгдөж эхэлж байна. "Сан Антонио Спөрс"-ийн төвийн тоглогч Виктор Вэмбаньямагаас гадна Оклахома Сити Тандер багийн хамгаалагч Шай Гилжиус-Александр MVP болон оны шилдэг Clutch тоглогч гэсэн хоёр шагналд нэр дэвшээд байна. Та бүхэнд шагнал бүрийн эцсийн шатанд шалгарсан гурван тамирчдыг танилцуулж байна.