Брүүклин Нетсийн хамгаалан тоглогч Бен Симмонс нурууны мэдрэлийн гэмтлийн улмаас дор хаяж хоёр долоо хоног өнжихөөр босон хэмээн тус багийн зүгээс мэдэгдлээ. Бен Симмонс арваннэгдүгээр сарын 6-наас хойш тоглолтод оролцоогүй бөгөөд гэмтлээс шалтгаалан ийнхүү хоёр сар тоглолтод оролцоогүй явна. Бэн Симмонс сүүлийн хоёр долоо хоног тогтмол эмчилгээнд хамрагдаж байгаа ба түүний биеийн чадвар сайжирч, ганцаарчилсан бэлтгэлт хамрагдаж байгааг багийнхан нь мэдэгдсэн байна. Мөн түүнийг дахин тоглолтод оролцуулахад багадаа хоёр долоо хоног шаардлагатай ба түүний дараа талбайд гарах үгүйг шийдвэрлэнэ гэжээ. 

Бен Симмонс 2016 оны НБА-гийн драфтын 1-р сонголтоор Филадельфиө 76 багт сонгогдсоноос хойш ихэнх хугацаанд гэмтэлтэй байж нэг ч улирал бүтэн тоглоогүй юм. Хөлийн бэртлийн улмаас эхний улирлаа бүхэлд нь өнжсөн бол дараа нь Филадельфиа 76 багтай хийх гэрээний нөхцөлөөс шалтгаалж 2021-2022 оны улирлыг бүтэн өнжсөн билээ. Өнгөрсөн улиралд Брүүклинд нэгдэж, ердөө 42 тоглолтод оролцсон. Хамгийн ихдээ 2018-19 оны улиралд 58 тоглолтод оролцож, түүнээс хойш бэртэл гэмтэл, хувийн асуудлаас шалтгаалж тийм ч олон тоглолтод оролцолгүй явна.