Монголын 3х3 сагсан бөмбөгийн холбоо FIBA 3х3-тай хамтран сагсан бөмбөгийн баг, тамирчдад бэлтгэл сургуулилтаа сайн хийж, хоорондоо хүчтэй өрсөлдөх боломжийг өргөжүүлж, шилдэг баг нь олон улсын тавцанд гарах боломжийг бүх багуудад ижил эрхтэйгээр олгох зорилгын хүрээнд “MGL 3x3 Pro League” тэмцээнийг зохион байгуулж эхлээд байна. Өнгөрсөн амралтын өдрүүдэд зохиогдсон Stop 1 тэмцээнд эрэгтэй 8 баг, эмэгтэй 18 баг өрсөлдсөн байна. 

Нийт 8 "Stop" буюу цувралаар зохиогдох уг тэмцээний нээлтийн тэмцээнд "Zavkhan Sainscore" баг "Bosgo BCH Garid" багийг 21:19 харьцаатай буулган авснаар эхний "FIBA 3х3 Challenger" тэмцээнд оролцох эрхээ гардан авлаа. 

Тэдний хагас шигшээд орох эрхийн төлөө Bayangol Broncos багийг 21-16 харьцаатай ялж шигшээ тоглолтод шалгарсан юм. Дараа дараагийн Stop-уудад ялсан багууд дараагийн FIBA 3x3 challenger тэмцээнд орох эрхээ шууд авах юм.

Эхний чалленжер тэмцээн 5-р сарын 11-нд БНСУ-ын Хончеон хотод зохиогдох хуваарьтай байна.

Харин эмэгтэй аварга багаар "Ulaanbaatar Amazons", дэд байрт "Chingeltei Stars" багууд тодорчээ. "UB Amazons" баг хагас шигшээд "UB M-Winx" багийг 21-9 харьцаатай илт давуу илүүрхэж, хагас шигшээд шалгарсан билээ.