Парисын олимпын сагсан бөмбөгийн хагас шигшээ тоглолтын эхний өрсөлдөөн Францын шигшээ болон Германы шигшээ багуудын хооронд явагдаж өндөрлөлөө.
Финалд шалгарах эрхийн төлөөх ширүүн өрсөлдөөн Францын Берси Аренад эзэн орон болон Германы шигшээ багуудын хооронд явагдаж, тоглолт эхний үеэс эхлэн өндөр уур амьсгал, үзэгчдийн уухай, тамирчдын хор шар, хичээл зүтгэл, хөлс хүчээр дүүрэн өрсөлдлөө. Өмнө нь олимпын B хэсэгт тэд учраа таарсан ба Германчууд 85-71 харьцаатайгаар төрсөн нутагт нь төвөггүйхэн буулгаж авсан бол энэ удаа Францууд тоглолтыг тийм ч амархан удирдуулсангүй тэд эхий үед хожигдож эхэлснийг эс тооцвол хоёр болон гуравдугаар үед Германыг илүүрхэж, улмаар дөрөвдүгээр үед тэргүүллээ алдалгүй явсаар үндсэн цагт 73-69 харьцаатай Францын шигшээ багийн ялалтаар өндөрлөлөө. Отгон Дэлхийн аварга Германчууд дөрөвдүгээр үед 6 онооны зөрүүг 2 болтол ойртуулсан ч тэд төгсгөлөө амжилттай хийж чадалгүй, хүрэл медалийн өрсөлдөөнд шилжиж байна.
