Парисын олимпын эмэгтэйчүүдийн чөлөөт бөхийн 50 кг-ын жингийн эхний өдөр Винеш Фогат 49.9 кг жинтэй байв. Тэрээр энэ өдөр гурван бариллаан хийж бүгдэд нь ялалт байгуулсан. 

Винеш эхний шатанд олимпын алтан медальт Японы Юи Сусакиг ялж, улмаар дахин 2 ялалт авч олимпын наадмын бөхийн төрөлд финалд шалгарсан Энэтхэгийн анхны бөх болж түүхэнд бичигдсэн. 

Гэвч тэрээр жингийн асуудлаас болж маргааш нь тэмцээнээс хасагдсан. 

Бөхчүүд олимп болон томоохон тэмцээний үеэр хоол зүйч, хүнс тэжээлийн мэргэжилтнүүдийнхээ зөвлөснөөр хоол хүнс, ус маш бага хэрэглэдэг. 

Түүний багийн эмнэлгийн ахлах мэргэжилтэн доктор Диншоу Пардивалагийн хэлснээр Винешийн хоол зүйч, мэргэжилтэн гурван тулааны дараа түүнд хоол, ус өгсөн бөгөөд жин нь 1.5 кг хүртэл нэмэгдэнэ гэж тооцоолжээ. 

Гэсэн хэдий ч жин нь 2.7 кг-аар нэмэгдэв. Багийнхан түүний үсийг тайрч, хөнгөн цамц өмсгөж жингээ хасах гэж шөнөжин оролдсон боловч зөвшөөрөгдсөн жингээс 100 грамм илүү жинтэй байж эцсийн тулаанаас хэдхэн цагийн өмнө Винеш эрхээ хасуулсан. 

Энэтхэгийн спортын яам болон холбогдох газрууд Винешийг дэмжиж байгаагаа дахин илэрхийлж байгаа бөгөөд тамирчдын бие бялдар, хоол тэжээлд хяналт тавьдаг зохих тогтолцоог бүрдүүлж чадаагүйд үнэхээр харамсаж байгаагаа илэрхийлсэн байна. 

Тус төрөлд Америкийн бөх Сара Анн Хилдебрандт алт, Кубын Юснейлис Гузман Лопез мөнгөн медаль, Юи Сусаки хүрэл медаль хүртлээ. 

эх сурвалж: www.hindustantimes.com