“Парис 2024” зуны XXXIII Олимпын наадмын Байт харваан эрэгтэйчүүдийн ганцаарчилсан төрөлд 2023 оны Азийн наадмын аварга ОУХМ Б.Отгонболд шигшээ 16-д шалгарах эрхийн төлөө Мексикийн тамирчин Матиас Грандетай өрсөлдөж, 7:1 харьцаатайгаар ялагдал хүлээж, энэ удаагийн наадмаа өндөрлүүлж байна. Түүнтэй өрсөлдсөн Матиас Гранде нь дэлхийн чансаанд 17-т эрэмбэлэгддэг, 2004 онд төрсөн өсөж яваа залуу тамирчин юм. 2023 оны ДАШТ-д багаараа 9-р байрт орсон байна. 

Б.Отгонболдын хувьд дэлхийн чансаанд 50-т эрэмбэлэгддэг ба урьдчилсан харваанд 643 оноотойгоор 54-р байрт орсон бол Матиас Грандет 676 оноотойгоор 11-р байранд орж, учраа таарсан юм.