Интер Майами клубийн тоглогчид болох Лионель Месси, Луис Суарес, Жорди Альба, Серхио Бускетс Майамигийн сагсны ордонд хүрэлцэн ирж, NBA-ийн Бостон Селтикс, Майами Хит багуудын плей-оффын цувралын 4 дэх тоглолтыг өнөөдөр үзлээ.

Жимми Батлер MCL-ийн бэртлийн улмаас талбайд гарахгүй хэвээр байгаа тул Хит Бостон Селтиксийн эсрэг ялж, Бостон руу буцахаасаа өмнө цувралыг 2-2 болгон тэнцүүлнэ гэж найдсан ч тоглолтын үр дүн Майами Хит багийн эсрэг байлаа. Гэсэн хэдий ч тэднийг том зорилгодоо хүрэхэд нь туслахын тулд хөлбөмбөгийн ертөнцийн домогт тоглогчид хүртэл талбайд ирж, багт дэмжлэг үзүүлэв.

Месси жинсэн хүрэмтэй энгийн дүр төрхтэйгөөр талбайд ирсэн бол Бускетс, Суарес нар Майами Хитийн тоглолтын хувцсыг өмсжээ. Тодруулбал, Суарес ар талдаа өөрийн нэр, 9 дугаартай хар өнгийн “Miami Heat” өмсгөлийг өмссөн байсан бол Бускетс тоглолтын үеэр цагаан “Heat Culture” цамц өмссөн байв.

Тус тоглолт 102-88-ийн харьцаатайгаар Бостоны давамгайллаар өндөрлөж, цуврал 3-1 болсон юм.