Эмэгтэйчүүдийн холимог тулааны урлаг хөгжиж буй ертөнцөд "Ровди" буюу Ронда Роузигаас илүү сайн тулаанч байхгүй гэхэд хэлстэхгүй. Залуу, дур булаам үзэсгэлэнтэйгээр зогсохгүй UFC-ийн эмэгтэйчүүдийн жингийн анхны бөгөөд цорын ганц аварга бол ямар ч маргаангүй Ронда Роузи юм.

Түүний ММА спорт дахь гайхалтай амжилтууд нь түүнийг дэлхийн олон залуу эмэгтэйчүүдэд үлгэр дуурайлал болгосон. Ронда Роузи бол Холливудын томоохон од, дэлхийн хамгийн алдартай хүмүүсийн нэг яах аргагүй мөн. Гэсэн хэдий ч түүний хамгийн үнэнч дэмжигчид хүртэл мэдэхгүй байгаа зарим баримтууд байдаг.

Эдгээр баримтууд танд Ronda Rousey-г огт өөр өнцгөөс харахад туслах байх. Ингээд олон зүйл нуршилгүйгээр түүний 9 баримтыг хүргэе. 

1.      Эмзэг сэдэв 

Ronda Rousey төрөхдөө хүчилтөрөгчийн дутагдлаас болж төрөхдөө бараг үхэх шахсан гэсэн яриа байдаг. Үнэн хэрэгтээ тэр хүчилтөрөгчгүй өнгөрөөсөн цаг нь түүний тархинд бага зэрэг гэмтэл учруулсан гэж үздэг бөгөөд тэрээр зургаан нас хүртлээ хэл ярианы бэрхшээлтэй болсон байна. 

 

2. Саад бэрхшээл

Ronda Rousey төрөхдөө тархинд нь бага зэргийн гэмтэл учруулсны улмаас хэл ярианы бэрхшээлийг даван туулахын тулд бага насны хүнд хэцүү үеийг туулсан. Мөн тэрээр хайртай аавыгаа зуурдаар алдсан байна.

Түүний аав охидтойгоо чаргаар гулгаж байхдаа нуруундаа хүнд гэмтэл авчээ. Амьдралдаа үлдсэн хэдэн жилийн дараа саажилттай болно гэдгээ мэдээд тэрээр амиа хорлохоор шийдэж байсан байна. Аавыгаа нас барах үед Ronda Rousey дөнгөж 8 настай байсан.

3. Спортын замнал 

Ээж АннМариа Де Марсын ятгаснаар Ronda Rousey жүдогоор хичээллэж, бүх зовлон зүдүүрээс нь гарах гарц болохыг олж мэджээ. Ээж нь Ronda Rousey-г сорьж шөнө дунд хүртэл түүнийг сэрээж гарыг нь барин гарт өчөх мэхнээс зугтаахыг шаарддаг байв. Ээжийнх нь сургах арга барил тийм ч хялбар биш байсан ч энэ нь түүнийг өнөөдрийн байдалд хүрэхэд нь тусалсан нь гарцаагүй.

4. Амжилт 

Дэлхийн аваргын түвшний сэтгэхүй, ур чадвар гэр бүлд байдаг гэж хэлж болно. Өдгөө Жүдо бөхийн 6-р зэргийн хар бүстэй Ronda Rousey-гийн  ээж ч бас домогт нэгэн. Тэрээр үндэсний болон олон улсын аварга шалгаруулах тэмцээнд олон удаа түрүүлсэн ч 1984 онд -56 кг-ын жинд өрсөлдөж, жүдо бөхийн дэлхийн аварга шалгаруулах тэмцээнээс алт хүртсэн анхны Америк тамирчин байсан нь түүний хамгийн том амжилт юм.

Ronda Rousey 11 настайгаасаа жүдогоор хичээллэж эхэлсэн бөгөөд хэд хэдэн удаа аварга болсон төдийгүй АНУ-ын олимпын багт багтаж, 2008 оны Бээжингийн олимпоос хүрэл медаль хүртэж олимпын дараахан 21 настайдаа зодог тайлжээ.

5. Туршилт 

2008 оны олимпын өмнөх бүх хүнд хэцүү бэлтгэлийн дараа Ronda Rousey амарч, хэсэг хугацаанд зугаацахаар шийджээ. Тэрээр California дахь Gladstones нэртэй бааранд барменаар ажилд орсон. Тэр бүр өөрөө ундаа зохион бүтээсэн гэдэг. Тэр үүнийг "Барак од шиг үдэшлэг" гэж нэрлэсэн байдаг. Ажил хийж байх энэ үедээ  тэрээр EliteXC: Destiny-д болсон Жина Карано, Жулиа Кедзи хоёрын тулааныг үзээд Ronda Rousey ММА-г туршиж үзэхээр шийджээ.

6. Холливудын супер од

"The Expendables 3", "Firious Seven" гэсэн хоёр том кинонд тоглосон Ronda Rousey аажмаар Холливудын хамгийн том блокбастерийн оддын нэг болсон түүхтэй. Тэрээр мөн алдартай инээдмийн олон ангит "Entourage" кинонд тоглосон. Ирэх жилүүдэд бид Ronda Rousey-гийн дүрийг цэнхэр  дэлгэцээр улам олон удаа харах болно гэдэгт эргэлзэхгүй байна.

7.  Хөгжилтэй дурсамж

Нэг өдөр эгч нартайгаа хөгжилдөж байх үедээ Ronda Rousey  шоколадаар бүрсэн үзмийг эгчийнхээ хамар руу нь түлхсэн тул гаргаж чадсангүй. Гэр бүлийнхэн нь эмнэлгийн тусламж авахаар шийдсэн боловч хамгийн ойрын түргэн тусламжийн зогсоол руу орж байтал шоколад хайлж, үзэм урсан гарсан гэдэг. Ronda Rousey өнөөдрийг хүртэл чихрээс айдаг хэвээр байна.

8. "Боб" найз залуу

Олон жилийн туршид Ronda Rousey-ийн ээж охидынхоо бүх найз залууг, тэр байтугай боломжит найз залууг нь "Боб" гэж дууддаг зуршилтай болжээ. Ээж Де Марсын хэлснээр шалтгаан нь маш энгийн: "Хэрэв тэр зууралдахгүй бол түүний нэрийг мэдэх нь ямар хэрэг вэ? хэмээн хошигносон гэдэг.

9. Урьд өмнө байгаагүй давамгайлсан рекорд

Ronda Rousey ММА спорт дахь амжилт, амжилтыг ойлгоход хэцүү байдаг. Тэрээр мэргэжлийн рингэнд 12 тулаан хийхдээ ердөө 25 минут 36 секундийг торонд өнгөрүүлсэн байна. Мөн эдгээр 12 тулааны 11 нь эхний тойрогт дууссан нь нэг тулаанд дунджаар хоёр минут 8 секунд зарцуулагдсан гэсэн үг. Тэрээр UFC-д бусад олон рекордыг эзэмшдэг бөгөөд үүнд:

– UFC-ийн түүхэн дэх хамгийн хурдан аваргын төлөөх тулаан 56 хоногийн дотор хоёр удаа аваргын төлөөх тулаан хийсэн.

– UFC 184 тэмцээнд Cat Zingano-г ялснаар UFC-ийн түүхэн дэх хамгийн хурдан аварга болсон.

– UFC 175 тэмцээнд Алексис Дэвисийг ялснаар UFC аваргын түүхэн дэх хамгийн хурдан хоёр дахь ялалт нь 16 секундэд ялалт байгуулсан түүхтэй.