Бостон Селтикс багийн супер од Жэйсон Тэйтум багтайгаа таван жилийн 314 сая долларын гэрээ үзэглэлээ. Өдгөө 26 настай Тэйтум энэ жилийн аваргын цувралд Даллас Мавериксийн эсрэг 22.2 оноо, 7.8 самбар, 7.2 оновчтой дамжуулалт дунджилсан ба Бостон Селтикс багт 18 дахь удаагаагийн аваргын цомыг авч ирэхэд том үүрэг гүйцэтгэсэн билээ. 

2017 онд драфтын гурав дахь сонголтоор Бостон Селтикс багт сонгогдож 7 жилийн дараа багтайгаа хамт NBA-ийн аварга цол хүртсэн тэрбээр ирэх 5 жилийн аяллаа ч мөн адил Бостон Селтикс багтай үргэлжлүүлэхээр болж байна. Тэйтум замналдаа NBA-ын бэлгэдлийн гарааны багт гурван удаа, Бүх одод тоглогчоор таван удаа, 2023 оны Бүх оддын тоглолтын үнэ цэнтэй тоглогчоор шалгарсан. 2021 оны Токиогийн олимпоос алтан медаль хүртсэн тэрбээр энэ жил Парисын олимпод АНУ-ын шигшээ багийн хамтаар дахин оролцох билээ. 

Мөн Бостон Селтикс багийн хамгаалагч Деррик Уайт багтайгаа дөрвөн жилийн 125.9 сая долларын гэрээ хийхээр тохиролцсон байна. Уайтын гэрээ ирэх жил дуусах байсан ба түүний шинэ гэрээ 2025-2026 оны улирлаас хэрэгжиж эхлэх юм. Тайлан: Селтикс, Деррик Уайт нар анх NBC Sports Boston-д нийтлэгдсэн дөрвөн жилийн 125.9 сая долларын хугацааг сунгахаар тохиролцов. Селтикс 2022 онд Сан Антонио Спөрстэй хийсэн солилцоогоор Уайтыг худалдаж авсан. Спөрст Ромео Лангфорд, Жош Ричардсон, 2022 оны нэгдүгээр тойргийн сонголт, 2028 оны эхний тойргийн сонгон эрхүүдийн хамтаар өгч явуулсан билээ. 

Бостонд нэгдсэн өдрөөсөө эхлэн Уайт хоёр талын гайхалтай тоглолтыг үзүүлж, хэрэгтэй үед багаа манлайлах чадвартай гэдгээ олон тоглолтод батлан харуулсан. Өнгөрсөн улиралд нэг тоглолтод 15.2 оноо, 4.1 оновчтой дамжуулалт, 3.5 самбар, 0.9 хаалт, 0.8 бөмбөг таслалт дунджилж Бостон Селтикс Өрнөд бүсийг тэргүүлэхэд чухал үүрэг гүйцэтгэсэн билээ. Мөн энэ жил түүний алсын зайн шидэлтийн хувь нэмэгдсэн бөгөөд 39.6 хувьтай шидсэн нь замналых нь дээд амжилт болжээ. ИЙнхүү Бостон Селтикс баг Жэйлен Браун, Жэйсон Тэйтум, Деррик Уайт гэсэн урд шугамын шилдэг тоглогчидтойгоо 5 жилийн ирээдүйгээ хамт бүтээх нь.