Өнөөдөр Монголын Пара тамирчдын салхийг хагалж усан спортын S6 ангилал буюу эмэгтэйчүүдийн 50м-ийн чөлөөт сэлэлтийн төрөлд Монголын Үндэсний шигшээ баг, We Aquastic клубийн тамирчин Хүрэлийн Номуун өрсөлдлөө. Паралимпын наадмын усан спортын төрөлд анх удаа Монгол улсаа төлөөлөн оролцсон Хүрэлийн Номуун 50м-ын чөлөөт сэлэлтийн төрөлд амжилттай уралдав. Тэрбээр уралдааны хоёр дахь гараанд дэлхийн шилдэг пара тамирчидтай мөр зэрэгцэн уралдаж 47.77 амжилттайгаар 7-р байранд барианд орсон юм.
Түүний төрөлд Паралимпын цоо шинэ рекордыг БНХАУ-ын тамирчин Юуяан Жиан тогтоолоо. Тэрбээр эхний гараанд гарч уралдахдаа 50м зайг 32.70 секундэд туулан өмнөх рекордыг эвдсэн байна.
