Ой тогтоолтын ОУ-ын Их Мастер, 2014 оны ДАШТ-ий 3-р байр, 2015 оны Ази тивийн аварга, Шигшээ багийн дасгалжуулагч Ө.Сэнгэсамдан нь БНХАУ-ын хамгийн их үзэгчтэй Jiangsu телевизийн "The Brain" шоу нэвтрүүлэгт оролцох урилгыг хүлээн авч тус улсын шилдэг тамирчинтай халз өрсөлдсөн бөгөөд шоу тэмцээний нэвтрүүлэг өнөөдөр цацагдлаа.

"The Brain" буюу "Super Brain" нэвтрүүлэгт Хятадын мастерууд улс улсын шилдгүүдтэй тархины гайхамшгийг харуулсан хүний санаанд оромгүй олон сонирхолтой даалгаврыг гүйцэтгэж өрсөлддөг.

Дашрамд дурьдахад 2016 онд тус нэвтрүүлэгт Монголын Оюун Ухааны Академийн тамирчин, ОУИМ Э.Энхмөнх, 2023 онд Ой тогтоолтын Дэлхийн Аварга, ОУИМ Н.Энхшүр, Н.Мөнхшүр нар оролцож гайхалтай ялалтыг байгуулсан. Ө.Сэнгэсамдан багш 7 жилийн дараа тамирчны дүрээр дахин тайзнаа гарч ийнхүү ялалт байгуулжээ.

 

Үзэх линк : https://www.facebook.com/share/v/KVhUb3k278EKZGDi/?mibextid=iCjFHx