Сингапур улсад 3-р сарын 27-31-ний өдрүүдэд болж буй сагсан бөмбөгийн 3х3 Азийн аварга шалгаруулах тэмцээнд оролцох Монголын шигшээ баг өнөөдөр хилийн дээс алхлаа. Манай шигшээ баг үндсэн хэсэгт орсон тул өнөөдөр тус улсыг зорьсон байна.

"FIBA 3X3 Asian Cup 2024" тэмцээнд оролцох Монгол Улсын эрэгтэй шигшээ багийн бүрэлдэхүүн:
- А.Ананд
- А.Азбаяр
- С.Биндэрьяа
- Ч.Тэмүүлэн

Маргааш буюу 3/29-ны Баасан гарагт хийх эрэгтэй баг 14:40 болон 19:20-оос 2 тоглолт хийх хуваарьтай байна.  

"FIBA 3X3 Asian Cup 2024" тэмцээнд оролцох Монгол Улсын эмэгтэй шигшээ багийн бүрэлдэхүүнийг танилцуулж байна.    
- О.Хулан
- Ө.Индра
- Б.Ариунцэцэг
- М.Цэрэнлхам

Манай шигшээ баг тэмцээний үндсэн "C" хэсэгт   Малайз болон урьдчилсан шатнаас орж ирсэн багтай өрсөлдөнө.  3/29-ны Баасан гарагт манай эмэгтэй шигшээ 15:35, 18:30-аас тоглоно. Эмэгтэй шигшээ баг нутагтаа Францын 3х3 эмэгтэй шигшээ багтай хамтарсан бэлтгэлд хамрагдсан туршлагатай байгаа юм.

Дашрамд сонирхуулахад, Азийн аваргын дараа Японы Уцуномия хотод олимпын эрх олгох урьдчилсан шатны тэмцээн 5-р сарын 3-5-ны хооронд болох бол Унгарын Дебрецен хотноо 5-р сарын 23-26-ны хооронд удаахи эрхийн тэмцээн болно. Эдгээр тэмцээнд дэлхийн өнцөг булан бүрээс шилдэг багууд Парис 2024 Олимпын наадамд хүсэн хүлээсэн байруудын төлөө өрсөлдөх болно.