"Парис-2024" олимпын бамбарын буухиад нэгдэж бамбарыг зөөх туршлагатай 11,000 хүний 80 хувийг нь сонгожээ. Олимп, Паралимпийн бамбарыг албан ёсны ивээн тэтгэгчид болох Кока-Кола, Банк Популяр, Кейс д'Эпарн нарын дэмжлэгтэйгээр зохион байгуулж байна. Олимп, Паралимпийн бамбарын буухиа нь дэлхийн бусад спортын арга хэмжээнээс ялгарах онцгой үйл ажиллагаа байдаг билээ. 2024 оны 5-р сарны 8-нд олимпын бамбар гурвар тулгууртай Белем хөлөг онгоцоор Марсельд Грекээс хүрэлцэн ирэх юм. Улмаар бамбар баригчид Франц улс даяар хийх аялалыг эхлүүлнэ. 11000 бамбар зөөгчдийн 80 хувь нь бамбарыг өртөөлөх батламжаа даваа гарагт авчээ. Үлдсэн хүмүүс одооноос дөрөвдүгээр сарын хооронд тодрох юм байна. Заримыг нь сүүлийн мөч хүртэл нууцлах болно, ялангуяа тамирчид болон алдартай хүмүүсийг гэнэтийн байдлаар харуулахаар төлөвлөжээ.

Одоо сонгогдсон бамбар баригчид өдөр бүр спортоор амьдарч, амьсгалж, Парис 2024 оны бамбарын буухиаг амжилттай явуулах том гэр бүлд нэгдэх болно. Тэд нэрээ нууцалсан эсвэл олон нийтэд танигдсан эсэхээс үл хамааран энэ буухиан анхны нүүр царай болно. Тэд бүгд бамбарын онцлогийг тодорхойлдог гурван энергийн нэг хэсэг болно. Үүнд спортын эрч хүч, хамт олны эрч хүч эсвэл бүс нутгийн хүчийг илтгэн харуулна.

• Сонгогдсон бамбар баригчдаас жишээ татвал Бенжамин гэх нэртэй 43 настай хөгжимчин байгаа аж. Тэрбээр эрүүл мэндийн асуудалтай ч Францаар хөлдлөн гулд дугуйгаар аялж байсныг нь онцлон сонгожээ.
• Хает гэх 21 настай сайн дурын ажилтан. Спортоор дамжуулан боловсроллыг тэргүүлэх ач холбогдол бүхий хэсэгт зориулан ажилладаг тул түүнийг сонгосон гэнэ. 
•  Марк, 70 настайдаа бэрхшээлтэй, эктрем сорилтуудыг даван туулж, спортоор хичээллэсээр байгаа.
• Архаг өвчинтэй тэмцэх, аутизмтай хүүхдүүдэд туслахын тулд өдөр бүр ажилладаг 37 настай Мари
• Уильям, 30 настай, усан онгоцны шинэлэг зүйлд дуртай ахлагч
• Ранитеа, 19 настай Полинезийн оюутан, хөгжиж буй эмэгтэйчүүдийн спортод тууштай хүчин зүтгэдэг.

Бамбар баригчид бүх насныхан байх бөгөөд 50% нь эмэгтэйчүүд, 50% нь эрэгтэйчүүд байх юм.  Олимпын бамбар болон Паралимпийн бамбарыг Францын гудамжаар зөөвөрлөсөн бамбарчид орон даяар наадмыг тэмдэглэн эхлүүлнэ. 2024 оны 5-р сарын 8-наас эхлэн Олимпын бамбар Белем хөлөг онгоцоор Марсельд ирэхэд олон нийтийг наадмыг хүлээн авахад бэлтгэхийн тулд бүс нутаг бүрийн сэтгэл хөдлөлийн түвшинг дээшлүүлэхэд онцгой анхааран ажиллаж байна.