Өнөөдөр зуны 33 дахь удаагийн олимпын наадмын хөнгөн атлетикийн эрэгтэйчүүдийн марафон дөнгөж сая эхэллээ.

МУГТ Б.Сэр-Од дэлхийн шилдэг 80 орчим тамирчидтай 43 насандаа хамт хурд хүчээ сорихоор барианаас гарлаа. Марафон гүйлт нь нийт 42.195 км замыг туулах ба хүн төрөлхтний хамгийн эртний спортын төрөл гэдгээрээ онцлогтой.

МУГТ Б.Сэр-Од 43 насандаа зургаа дахь олимпын наадамдаа оролцож, тамирчин хүний тэсвэр тэвчээр, өндөр бэлтгэл сургуулилт, хичээл зүтгэл ямар амжилтад хүрч болдгийг өөрийн биеэр нотлон харуулж байна. Түүний нөр их хичээл зүтгэл, тууштай байдлыг олон улсын хэвлэл мэдээллүүд аль хэдийн онцлоод эхэлсэн.

Энэхүү төрөлд: 

- Дэлхийн рекорд 2:00:35, Кени улсын тамирчин Киптум Келвин

- Олимпын рекорд 2:06:32, Кени улсын тамирчин Ванжиру Самуэл Камау эзэмшдэг бол манай тамирчны хувийн рекорд 2:08:50 байдаг.