Монголын сагсан бөмбөгийн дээд лигийн олон жилийн түүхт багуудын нэг "BCH Гарьд" баг нэрээ сольж, ""BCH Knights" болгожээ. Багийн удирдлага болон спонсор байгууллагууд уг шийдвэрийг гаргасан гэнэ. Мөн тус баг өнгөрсөн жилүүдэд туслах дасгалжуулагчаар олон жил ажилласан Ц.Эрдэнэбаясгалан анх удаа ахлах дасгалжуулагчаар ажиллахаар болсон байна.

Олон жил лигийн түүхэнд уналт босолттой, өөрсдийн гэсэн өвтэй, дэмжигч, шүтэн бишрэгчид олонтой тус баг ийнхүү үндсэн нэрээ анх удаа сольж байна. Харин үүнд тус багийн үнэнч хөгжөөн дэмжигчид болон тус багийн ууган тоглогчид дургүй байгаа талаар цахим орчимд шуугиж байна.

Хөгжөөн дэмжигчдийн фэйсбүүк бүлгэмд нэгэн дэмжигч багаа, нэрээ буцааж авах хүсэлтэй байгаагаа илэрхийлсэн ба #SaveGarid нэртэй аяныг эхлүүлээд байна.